Har du erfaring med planlegging og vil løyse samansette samferdselsprosjekt? 

Vestland fylkeskommune er ein av dei største arbeidsgjevar i fylket, med over 6000 tilsette. Me har ansvaret for 5547 km med fylkesveg, 278 tunnelar, 1988 bruer og 30 ferjesamband. Årlig jobbar me med fleire hundre spennande prosjekt knytt til samferdsel.

Vestland fylkeskommune, Infrastruktur og veg skal sikre og utvikle gode og vekstkraftige lokalsamfunn, og sterke by- og senterområde. Avdelinga skal sikre ein framtidsretta infrastruktur, med mål om betra samband internt i regionen og god kommunikasjon mot resten av landet, og ut i Europa. Me skal bidra til å bygga ein sterk felles kultur og identitet i fylket, samtidig som innbyggarane si tilknyting til lokalsamfunna vert tatt vare på. Avdelinga jobbar for framkome og trafikktryggleik for alle trafikantar på våre fylkesvegar. 

Avdelinga vegfag har ansvar for planlegging og prosjektering av vegar, gang- og sykkelvegar, tunnelar, bruer og kaiar i Vestland fylke. Avdelinga dekker ulike fagområde knytt til dette arbeidet; planlegging, prosjektering, grunnerverv, landmåling, geologi, geoteknikk og geodata.  

Seksjon for planlegging, kontorstad Leikanger søkjer no etter ein planleggar som vil vera med å realisera dei spennande samferdseloppgåvene me har i Vestland fylke. Me treng ein planleggar som likar å jobba med prosessar, kjenner offentleg forvaltning og som kan både leia og inngå i tverrfagleg prosjektgruppe for å lage gode framtidsretta planar for samferdsel.

Arbeidsoppgåver

• Ha rolla som planleggingsleiar med ansvar for prosjektleiing i prosjekt
• Styre planprosess og ha kontakt med kommunar og andre offentlige etatar
• Utarbeiding av reguleringsplanar
• Utarbeide og leie arbeid med konsekvensutgreiing
• Inngå som fagressurs i andre prosjekt
• Planlegging av alt ifrå mindre kollektivtiltak, gang- og sykkelveg til kompliserte byprosjekt og store veg- og tunnelprosjekt
• Bidra til fagleg utvikling 

Kvalifikasjonar

• Me ser etter deg som har relevant høgare utdanning på minimum bachelor innan arealplanlegging, samfunnsgeografi, landskap, samferdsel, relevante ingeniørfag eller tilsvarande. Kravet til utdanning kan fråvikast for søkjarar som har særs god og relevant erfaring
• Erfaring frå arbeid med leiing av prosess og prosjekt, med samansette utfordingar / oppgåver
• Tar gjerne leiinga i prosjekt og vil utvikle deg innan prosjektleiing
• Likar å ta ansvar og kan jobbe sjølvstendig 
• Har god formidlingsevne og gode norskkunskapar, både skriftleg og munnleg 
• Har gode samarbeidsevner og er ein god lagspelar
• Min 3 år relevant erfaring

Vi tilbyr

• Ei utfordrande stilling i ein flott organisasjon der du kan vera med å setta preg på utviklinga i Vestland fylke  
• Eit inkluderande og sterkt fagmiljø 
• Fagleg utvikling 
• Varierte arbeidskvardagar og meiningsfulle arbeidsoppgåver
• Fleksibel arbeidstid med moglegheit for heimekontor 
• Gode pensjons- og forsikringsordningar 
• Løn etter avtale 
• Flotte kontorfasiliteter

Hos oss kan du forme samfunnet rundt deg! Me tilbyr deg ein plass i ein organisasjon med eit sterkt fagmiljø som er opptekne av å ha kollegaer som trivs saman. Slik får me det beste ut av kvarandre og skapar engasjement! 

Anna informasjon

Administrasjonsmålet i fylkeskommunen er nynorsk. Alle nytilsetjingar i fylkeskommunen blir gjort med ei prøvetid på 6 månader. Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.

Kontaktinformasjon

Øyvind Hauge Horge, leiar, 48164730

Arbeidsstad

Askedalen 2
6863 Leikanger

Nøkkelinformasjon:

Arbeidsgivar: Vestland fylkeskommune

Referansenr.: 4998405762
Stillingsprosent: 100%
Fast
Søknadsfrist: 29.08.2025