Helsefagarbeidar

Haram kommune søkjer etter helsefagarbeidarar til følgjande stillingar: 

• 75% fast stilling, for tida i turnus med ordinære vakter på dag/kveld og langvakter på 12,5 t kvar 4. helg
• 67,78% vikariat, for tida i turnus med arbeid kvar 3. helg. Stillinga har ein kombinasjon mellom ordinære vakter og langvakter på dag/kveld

Stillingane er for tida ved Haram omsorgssenter.

Haram omsorgssenter har base i eit fint og moderne lokale på Haramssenteret i Brattvåg. Haram omsorgssenter er ein institusjon som driftar langtids-, korttids-, rehabiliterings- og demensplassar. Haram omsorgssenter er organisert under Haram omsorgstenester, som består av Eidet- og Haram omsorgssenter, Ytre-, Indre- og Nordøyane heimetenestedistrikt og tre dagsenter for eldre. Vi er opptekne av å skape eit godt arbeidsmiljø, der vi legg til rette for at dei tilsette har gode arbeidsvilkår og at brukarane mottek gode tenester. I 2021 vann Haram omsorgssenter arbeidsmiljøprisen i Ålesund kommune i lag med Ytre Haram heimeteneste.

Kommunalområde helse og omsorg består av Haram omsorgstenester og Haram butenester. Vi har ansvar for brukarar i alle aldrar, med mange ulike behov. For oss er det viktig å gi gode, målretta tenester, slik at den einskilde mottek den hjelpa ein treng til rett tid og på rett nivå i tenestetilbodet vårt. Den viktigaste ressursen vår er dei tilsette og vi ynskjer å vere ein arbeidsplass der ein opplever trivsel, utvikling og  meistrar oppgåvene ein er sett til å gjere. Vi veit at framtida vil krevje nye arbeidsformer i kommunalområdet, noko vi arbeider aktivt med å sette oss i stand til å møte på ein god måte.

I Haram kommune er vi opptekne av gode, heilskaplege tenester, og har fokus på arbeid på tvers av tenesteområda for å skape gode tenester for innbyggjarane våre. I Haram jobbar vi for å spele kvarandre gode.

Arbeidsoppgåver

• Helsefaglege oppgåver.
• Omsorg og oppfølging av pasientar.
• Tverrfagleg samarbeid med andre yrkesgrupper.
• Ivareta dokumentasjonsplikta og ha fokus på fagutvikling.
• Rettleiing og opplæring av medarbeidarar og studentar/elevar.
• Bidra til godt samarbeid mellom brukarar og pårørande.
  

Kvalifikasjonar

• Fagbrev som helsefagarbeidar.
• Kunnskap, erfaring og interesse for demensomsorg.
• Høg fagleg interesse og interesse for fagutvikling.
• Tilstrekkeleg IT-kompetanse til å kunne arbeide i journalsystem med pasientoppfølging.
• Personlege eigenskapar vil bli vektlagt.
• Gode norskferdigheiter, munnleg og skriftleg.
• Krav om politiattest som ikkje er eldre enn 3 mnd.

Personlege eigenskapar

• I Haram kommune ynskjer vi tilsette som er samfunnsengasjerte og innovative, og som bidreg til eit godt arbeidsmiljø både fagleg og kollegialt.
• Du har gode kommunikasjons- og samarbeidsevner.
• Du har gode evner til å arbeide sjølvstendig i pasientoppfølging og i dialog med pasient/pårørande
• Du har gode evner til å følgje opp gitte mål for kvar enkelt pasient, og er oppteken av å gjere pasienten mest mogleg sjølvstendig.
• Du har gode evner til å ta ansvar i arbeidsoppgåver og i oppfølging av pasientar.
• Du har godt humør og ei positiv framtoning.
• Du er lojal mot arbeidsplass og kollegaer, og har eigenskapar til å bidra til eit godt omdømme.
• Du ønskjer å arbeide etter omsorgstrappa og er oppteken av at pasientar får rett tilbod på rett plass.

Vi tilbyr

• Tverrfagleg samarbeid.
• Spanande fagmiljø med mange varierte arbeidsoppgåver.
• Fokus på velferdsteknologi og alternative måtar å jobbe på.
• Løn etter tariff.
• Gode turnusordningar med fokus på heiltidskultur.
• Gode pensjons- og forsikringsordningar.

Kontaktinformasjon

Beate Jeanett Austnes Nogva, Avdelingsleiar, 46865766, Beate.Jeanett.Austnes.Nogva@haram.kommune.no
Ingrid Beate Mathisen, Tenesteleiar, 90751954, ingrid.beate.mathisen@haram.kommune.no

Arbeidsstad

Storgata 20
6270 Brattvåg

Nøkkelinformasjon:

Arbeidsgivar: Haram kommune

Referansenr.: 4976515046
Stillingsprosent: 75, 80%
Fast, Vikar
Søknadsfrist: 15.06.2025