ID 1997 Prosjektleiar VVA- Eining for tekniske tenester

Tekniske tenester er ei tenesteeining i Stord kommune, lokalisert på Rundehaugen 45 på Heiane, og har 120 tilsette innan fagfeltet veg, vatn, avløp, bygg og eigedom. Eininga har totalansvaret for utbygging, forvaltning, drift og vedlikehald av kommunale vegar og vatn og avløpsanlegg, bygg og eigedommar.

Tekniske tenester vedlikeheld 150 km kommunal veg, 12 bruer, 260 km vassleidningar med tilhøyrande vasshandsamingsstasjon, høgdebasseng og damanlegg samt 180 km avløpsleidningar med tilhøyrande avløpspumpestasjonar og avløpsreinseanlegg. Årlege investeringskostnadar er kring 200 mill.

Det er ledig fast 100% stilling som prosjektleiar innan veg, vatn og avløp. Prosjektleiar for veg, vass- og avløpsanlegg (VVA) skal:

• Leia prosjekt for nyanlegg eller rehabiliteringar innan VVA.
• Kontrahera rådgjevarar og entreprenørar og ha kontraktsoppfølging av desse.
• Syta for at prosjekta vert gjennomført etter gjeldande formelle og faglege krav.
• Vera pådrivar for HMT i prosjekta.
• Ha utdanningsnivå bachelor/master, helst innan fagområdet VVA. Lang praksis/leiarerfaring innan fagområdet kan kompensera for manglande utdanning.
• Rapportera til prosjektkoordinator.

Tekniske tenester ynskjer å tilsetja folk som:

• Kan arbeida og avklara arbeidsoppgåver sjølvstendig.
• Vektlegg å få til eit godt og trygt arbeidsmiljø.
• Er kostnadsbevist og ynskjer stå på for arbeidsplassen sin.
• Er fagleg flinke, evnar å utvikla seg innan arbeidet sitt og er nytenkjande.
• Er resultatorientert.
• Har røynsle med IKT-verkty og ser potensialet i desse.
• Har førarkort for bil.
• Ved tilsetjing blir personlege eigenskapa vektlagd.

Tekniske tenester tilbyr:

• Varierande arbeidsoppgåver.
• Fleksibel arbeidstid.
• Eit godt og uformelt arbeidsmiljø der HMT vert vektlagt.
• Høve for personleg vekst og utvikling i arbeidet.
• Gode pensjons- og forsikringsordningar.
• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
• Løns- og arbeidsvilkår i samsvar med kommunalt avtaleverk

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Nærare informasjon om stillinga kan de få ved å kontakta einingsleiar Arne Bjelland, tlf. 97552037.