STAMI søkjer ingeniør til fast stilling

Vil du bli vår nye ingeniør?

Vi søkjer etter ein ingeniør innan kjemi som skal bidra med vedlikehald av prøvetakingspumper og prøvetakarar, delta i prøvetaking på arbeidsplassar og laboratorieanalyse.

Om STAMI

Skal vi oppretthalde velferda i framtida, må fleire ta del i arbeidslivet. Vi må sørgje for at fleire inkluderast, færre blir sjuke av jobben sin, og fleire kan stå lenger i arbeid. Kunnskap om arbeidsmiljø og arbeidshelse er sjølve grunnmuren for å lukkast med eit inkluderande arbeidsliv.

STAMI sitt samfunnsoppdrag er å skaffe fram og formidle forsking for å gjere norsk arbeidsliv i stand til å førebyggje sjukdom, fremje god helse og skape verdiar gjennom å utvikle berekraftige arbeidsmiljø. Det kan du bli ein del av!

Som bidragsytar på dette feltet vil du skape kunnskap som kan gjere at fleire kan ta del i arbeidslivet, slik at vi kan sikre framtidas velferd.

STAMI er det einaste instituttet i Noreg som forskar på alle sider ved arbeidsmiljø og arbeidshelse, og er ein uavhengig formidlar av denne kunnskapen til heile arbeidslivet. Vi forskar på alt frå korleis ei handfull avfallsmedarbeidarar eksponerast for farlege gassar, til vald og truslar i jobben blant sjukepleiarar.

Vi bidreg med forsking til internasjonale miljø, og dine komande kollegaer er mellom landets fremste forskarar innan arbeidsmedisin, arbeidsfysiologi, organisasjonspsykologi, arbeidsmiljøkjemi og arbeidstoksikologi.

Om gruppen 

Gruppe for arbeidsmiljøkjemi (KJEMI) er samansett av 20 medarbeidarar (forskarar, ingeniørar, doktorgradsstipendiatar og postdoktorar) som arbeider med kartlegging og identifisering av kjemiske og biologiske forureiningar som arbeidstakarar er utsette for i arbeidsmiljøet. Forsking på kartlegging og identifisering av kjemiske og biologiske forureiningar i arbeidsmiljøet er gruppa si kjerneaktivitet, men også rådgjeving og rettleiing om prøvetaking.

I tillegg tilbyr gruppa analysar av luft- og biologiske prøver innan arbeidsmiljøfeltet og har ansvaret for oppfølging av den nasjonale databasen for luftmålingar (EXPO).

Arbeidsoppgåver

• Vedlikehald og oppfølging av prøvetakingsutstyr
• Pakking og utsending av prøvetakingsutstyr, samt kontakt med bedriftshelsetenester i samanheng med luftprøvetaking
• Prøvetaking på arbeidsplassar, som medfører noko reiseverksemd
• Laboratorieanalysar av arbeidsmiljøprøver
• Andre førefallande oppgåver knytte til aktivitet i gruppa

Kvalifikasjonar

Det krevst:

• Minimum bachelorgrad innan kjemi/biologi eller tilsvarande
• Gode munnlege og skriftlege framstillingsevner på norsk (minimum B2-nivå) samt på engelsk
• Førarkort klasse B
• Erfaring med prøvetaking av forureiningar i arbeidsluft og laboratoriearbeid

Det er ynskjeleg med:

• Erfaring med gravimetriske og kjemiske analysar, samt med prøveopparbeiding
• Erfaring frå LIMS-system
• Teknisk interesse

Vi ser etter deg som har

• Har evne til å arbeide sjølvstendig, er strukturert og systematisk med god orden
• Har gode datakunnskapar
• Har gode samarbeidsevner
• Er serviceinnstilt og nøyaktig
• Tek initiativ
• Er løysingsorientert
• Har interesse for arbeidsmiljøfeltet

Personlege eigenskapar vil bli tillagt stor vekt.

Hos oss får du

• Sjølvstendige, varierte og utfordrande arbeidsoppgåver i eit godt arbeidsmiljø med ein uformell tone og stor vilje til å skape noko saman
• Eit godt og inkluderande arbeidsmiljø med høg grad av å vere til stades på arbeidsplassen
• Medlemskap i Statens pensjonskasse, ei av dei beste pensjonsordningane i Noreg
• God og rimeleg kantine
• Tilgang til treningsrom
• Fleksibel arbeidstid med sommar- og vintertid
• Betalt mobilabonnement gjennom Phonero (Telia)
• Fine lokale sentralt på Majorstuen

Stillinga er ei fast heiltidsstilling og blir løna etter Statens regulativ som:

Avdelingsingeniør 1085: frå kr. 560 000,- til kr. 620 000,-

Høgare løn kan vurderast for særs godt kvalifiserte søkjarar.

Plassering av løn er avhengig av utdanning og kvalifikasjonar. Frå løna blir det trekt 2 % innskot til Statens pensjonskasse, noko som inneber tenestepensjonsordning, samt yrkesskade- og gruppelivsforsikring.

Kontaktinformasjon

Meir informasjon om stillinga får ein ved å vende seg til:

• Forskar Hilde Notø, tlf. 23 19 53 48, e-post: hno@stami.no
• Gruppeleiar Nils Petter Skaugset, tlf. 23 19 53 56 / 404 31 269, e-post: nps@stami.no

For nærmare opplysningar om søknadsprosessen:

Personalrådgjevar Maria Grongstad, tlf. 23 19 51 36, e-post: maria.grongstad@stami.no

Hvordan søker du stillingen

Alle som søkjer stillinga må søkje digitalt gjennom rekrutteringsportalen Jobbnorge: "Søk stillinga". Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge.

Søkjarar med utanlandsk utdanning (både bachelor og/eller master) må leggje ved autorisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjarar må i tillegg leggje ved godkjenning av høgare utdanning frå Direktoratet for høgare utdanning og kompetanse. Sjå Godkjenning av utdanning frå utlandet | HK-dir (hkdir.no) for meir informasjon om generell vurdering av høgare utdanning. Har du ikkje fått svar innan søknadsfristen i stillingsannonsen, kan du leggje ved dokumentasjon på at søknaden er motteken.

Inkludering og mangfold

Den statlege arbeidsstyrken skal i størst mogleg grad spegle mangfaldet i befolkninga. Vi legg vekt på mangfald, og oppmodar difor kvalifiserte søkjarar til å søkje utan omsyn til alder, kjønn, funksjonsevne eller etnisk bakgrunn. Du er òg velkomen til å søkje sjølv om du har vore utanfor arbeid og utdanning i ein lengre periode (hol i CV-en). Lokala våre er universelt utforma, og vi ønskjer å leggje til rette for personar med nedsett funksjonsevne.

Dersom du som søkjar kryssar av for nedsett funksjonsevne, etnisk bakgrunn eller hol i CV-en, gjer vi deg merksam på at denne opplysninga kan nyttast til statistikkføremål i samsvar med krava i personvernforordninga artikkel 13 og 14.

Du kan be om å bli unnateken frå den offentlege søkjarlista. Dette må i så fall grunngjevast. Vi kontaktar deg dersom ønsket ditt ikkje blir teke til følgje.