Seniorrådgjevar - Pasientens helseteneste

Fag- og utviklingsavdelinga har ledig 100 % fast stilling som seniorrådgjevar. 

Ønskjer du å bidra til forbetring og vidareutvikling av spesialisthelsetenesta i Sogn og Fjordane?

Helse Førde v/Fag og utviklingsavdelinga lyser ut ei 100 % fast stilling som seniorrådgjevar. Stillinga er per i dag plassert i staben til utviklingsdirektøren og inngår i eit team som støttar arbeidet med utvikling, kvalitetsforbetring og planlegging i organisasjonen.

Helse Førde arbeider kontinuerleg med utvikling av tenestene og organisasjonen. Kompetansestyrking, innføring av moderne teknologi, digitalisering av tenester og utvikle eit endå tettare samarbeid med kommunane gjennom helsefellesskap er nokre av oppgåvene.

Arbeidsoppgåver

• Førebu og legge til rette for planlegging og gjennomføring av prosjekt- og utviklingsarbeid
• Støtte leiarar med metodikk og grunnlagsarbeid
• Bidra til samla god og strukturert styring av prosjekt og portefølje
• Delta i regionalt samarbeid om innføringar
• Vidareutvikle og sikre effektiv bruk av digitale samhandlingsverktøy, inkludert systemansvar for Microsoft 365
• Bidra til forvaltning og vidareutvikling av Microsoft Copilot og KI-baserte løysingar i verksemda
• Utforske og legge til rette for bruk av kunstig intelligens (KI) i arbeidsprosessar for å styrke samhandling, kunnskapsdeling og effektiv oppgåveløysing
• Planleggje og koordinere forum, møte og arrangement
• Utføre sakshandsaming, utgreiingar, saksframlegg og høyringar
• Arbeidsoppgåvene vil variere over tid.

Reiseaktivitet: Det må påreknast noko reiseaktivitet i stillinga

Kvalifikasjonar

• Relevant høgare utdanning mastergradsnivå eller tilsvarande nivå (høgskule/universitet)
• Relevant arbeidserfaring kan kompensere for utdanningskravet: 
  •  Erfaring med forbetrings- og endringsarbeid, prosjektmetodikk og planlegging 
  • God kompetanse i bruk av IKT-verktøy 
  • Gode kommunikasjonsevner, både skriftleg og munnleg 
• Det er ein fordel med: 
  • god kjennskap til spesialisthelsetenesta
  • kjennskap til og interesse for Microsoft 365 og tilhøyrande applikasjonar
  • kompetanse innan kunstig intelligens, oppbygging og bruk av KI-agentar

Personlege eigenskapar

• Gode samarbeidsevner og evne til å bygge relasjonar og god prosessar 
  
• Evne til å motivere, drive og følgje opp prosessar fram mot resultat
  
• Proaktiv, strukturert og løysingsorientert
• Sjølvstendig og ansvarsbevisst 
  
• Engasjert og motivert, og trivst i eit aktivt og travelt arbeidsmiljø med varierte oppgåver 
  

Vi tilbyr

• Lønn etter avtale
  
• God pensjons- og forsikringsordningar 
  
• Triveleg arbeidsmiljø
  
• Høgt fagleg nivå
  
• Fagleg og personleg utvikling

 

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Dagrun Kyrkjebø, Utviklingsdirektør, (+47) 950 70 684

Arbeidssted

Svanehaugvegen 2
6812 Førde

Nøkkelinformasjon:

Arbeidsgiver: Helse Førde

Referansenr.: 5124950549
Stillingsprosent: 100%
Fast
Startdato: 01.10.2026
Søknadsfrist: 11.06.2026