Fiolinpedagog, vikariat

Kort om stillinga

32% stilling som fiolinpedagog med undervisning lagt til kulturskulehuset i Knarvik. Arbeidsoppgåvene er samansett av mellom anna undervisning av einskildelevar, prosjekt i grupper og samspel i tillegg til samarbeid med andre kulturskuledisiplinar og lokalt lagsliv. Deltaking i felles kulturskuleprosjekt; konsertar og framsyningar både lokalt og regionalt.

 

Han/ho som får tilbod om stillinga vert tilsett i Alver kommune, med tenestestad Alver kulturskule. Dersom det vert endring av elevgrunnlag eller personalsamansetjing ved skulen må evt. endring av undervisningsstad og stillingsinnhald kunne påreknast. Han/ho som blir tilsett har ôg plikt til oppmøte på stabs- og planleggingsmøta i kulturskulen som ein del av stillinga, talet møte vert rekna ut etter stillingsstorleik

Om oss

 Kulturskulen i Alver er ein viktig del av kulturlivet i kommunen og har eit personale med svært høg kunstfagleg og pedagogisk kompetanse. Kulturskulen har i dag om lag 750 elevplassar innan kunstformane musikk, teater, dans og visuell kunst og er ein samarbeidspart for dei ti skulekorpsa i kommunen. Undervisninga er desentralisert, men hovuddelen av undervisninga vår finn stad på Manger, Frekhaug og i Knarvik og finn stad etter grunnskulen sin undervisningsdag.

Ønskt kompetanse

• Relevant kulturfagleg og pedagogisk høgskuleutdanning med fiolin som hovudinstrument. 
• Relevant erfaring som fiolinpedagog innan skuleslaget.
• Personlege eigenskapar som engasjement og initiativ, og glede i å undervise born og unge vert vektlagt. 
• Me har norsk som undervisningsspråk og er ein nynorskkommune.

Me tilbyr

Døme:

• Ein meiningsfull jobb der du kan gjera ein konkret forskjell i livet til ein person / livet til mange
• Oppfølging og rettleiing
• Moglegheit til å utvikla ferdigheitene dine i arbeid med relasjonar, sjølvstende og tilhøyrsel
• God pensjonsordning i KLP
• Tilsetjing i samsvar med gjeldande lov- og avtaleverk

Me er ein organisasjon i læring! 

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. Vi arbeider med å utvikle vår digitale kompetanse, og nyttar mellom anna teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke. 

Me er Alver

Me får vere der frå aller fyrste stund, og vi får følgje deg gjennom livet!

Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med opplæringslova vert det stilt krav om tilfredsstillande politiattest ved tiltrede