Om stillinga

Me har ledig ei fast 100% stilling som sjukepleiar,  eller som vernepleiar, ved institusjonstenester frå snarast. Helsetunet har 24 plassar fordelt på tre avdelingar, kortid/langtid, sjukeheimsavdeling og avdeling for personar med kognitiv svikt. Me har lyse og trivelege lokaler med gode fasilitetar og utstyr. Her har vi eige kjøkken, der det blir laga god og næringsrik tradisjonsmat frå botnen av.

Institusjonstenester er organisert under  kommunalområde helse og omsorg. Det er om lag 30 tilsette ved institusjonen. 

Me jobbar etter årsplan, som blir laga etter ynskje frå tilsette så langt det let seg gjere.

Håpar at du vil bu i den fine kommunen vår, passar det likevel ikkje for deg, så søk stillinga likevel. Me kan prøve å tilpasse vaktene slik at du kan pendle.

Rekrutteringstilskot

Aurland kommune skal stimulere til rekruttering av mellom anna sjukepleiarar ved å yte rekrutteringstilskot. Tilskotet er på brutto kr. 50 000,- per år i to år frå tilsettingsdatoen. Rekrutteringstilskotet vert ytt som ein eingongssum på kr 100 000,- i etterkant av dei to første åra som tilsett. Rekrutteringstilskotet er tidsavgrensa i perioden 2022-2026 og gjeld for stillingar der det blir stilt krav om minimum bachelorgrad, som til dømes sjukepleiar og vernepleiar.

Arbeids- og ansvarsområde

• varierte arbeidsoppgåver mellom anna som pasientansvarleg sjukepleiar
• faglege oppgåver som: medikamenthandtering, lindrande behandling, kateter, sårstell og miljøarbeid
• observasjon og behandling
• vurdering og kartlegging av behov
• dokumentering og rapportering i journalsystemet Visma profil
• registrering av pasientopplysningar i systema IPLOS og ADL
• rådgjeving og rettleiing av kollegaer, studentar, pasientar og pårørande
• tverrfagleg samarbeid med fysioterapeut, ergoterapeut, lege og samarbeidspartnarar

I tillegg kan avdelingsleiaren delegere fleire interessante oppgåver.

 

Me tilbyr

• ei utfordrande stilling med moglegheit for utvikling og fagleg påverknad 
• ein triveleg arbeidsplass der arbeidsmiljø står i sentrum 
• gode pensjons- og forsikringsordningar 
kr 35 000 høgare årsløn i lokal lønsstigeekstra laurdags- og søndagstillegg (+ tariffløn kr 10 pr. time)
• funksjonstillegg til praksisrettleiar
timeløn 1: 3 ved eventuell heimevakt (lokal ordning)
• gratis inngang til treningsrom i Aurlandshallen 
• gratis inngang til symjehallen 
• å formidle kontakt med utleigar av ledige husvære 
• eventuell informasjon om ledige stillingar til partar, samt moglegheit for utlån av kontorfasilitetar (kontorhub) 
• barnehageplass i Aurland barnehage

Sjå gjerne informasjonsbrosjyre om kommunen vår  her.

. Video: https://youtu.be/aFXLAnqaUbI

Kvalifikasjonar

• Du må ha norsk autorisasjon som sjukepleiar eller vernepleiar
• Du bør ha erfaring frå arbeid med brukargruppa, men god opplæring blir gitt om du er nyutdanna

Me oppfordrar studentar om å søke.

Personlege eigenskapar

Me legg stor vekt på personlege eigenskapar, og søker deg som er motivert til å jobbe innan eldreomsorg, og er engasjert og interessert i faget.

I tillegg ynskjer me at du:

• er  fleksibel og løysingsorientert
• er god til å kommunisere, og til å ta initiativ
• kan samarbeide med andre, og kan arbeide både sjølvstendig og i team
• har godt humør, er til å stole på, og er engasjert

Likar du å arbeide i eit godt arbeidsmiljø med nye utfordringar,  og i tillegg brenn for faget - då ynskjer me deg velkomen på laget.

Verdiane våre er:  L-Æ-R, som står for Likeverd, Ærlegdom og Respekt.  

Løns- og tilsetjingsvilkår

• tilsetting, løn og arbeidsvilkår i samsvar med gjeldande lovverk, reglement og tariffavtale
• tredelt turnus med arbeid kvar 3. helg, eller langvakter kvar 4. helg, etter ynskje frå deg
• krav om politiattest etter helse- og omsorgstenestelova av nyare dato

Krav til språk

Du bør kommunisere godt på norsk, både munnleg og skriftleg. Aurland kommune nyttar nynorsk som målform.

Generell informasjon 

Aurland kommune praktiserer meiroffentlegheit og kunngjer forenkla søkjarlister til ledige stillingar. Søkjarar, som har oppmoda om at namnet blir unnateke søkjarlista, må krysse av for dette og grunngje valet i søknadsteksten. Me tek kontakt med søkjarar som har bedt om dette, dersom me meinar at grunngjevinga ikkje er tilstrekkeleg. 

Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. 

Me ynskjer deg velkomen som arbeidssøkar i Aurland kommune.