Vernepleiar/sjukepleiar

I bu- og habiliteringsavdelinga har vi ledig ei fast, 100 prosents stilling der vi søker primært etter sjukepleiar eller vernepleiar. Vi oppmodar også dei med 3 årig helse- og sosialfagleg utdanning og helsefagarbeidar, om å søke og kan verte vurderte. Stillinga høyrer for tida til seksjon lunde, ein av tre seksjonar i avdelinga. Dei to andre er seksjon gneis og seksjon båre.

Stillinga er hovudsakleg knytt til personar med utviklingshemming og andre med funksjonsnedsettingar. Vi nyttar vanlegvis 1:1-bemanning. Arbeidet er organisert i todelt turnus med ei arbeidsveke på 35,5 timar, og arbeid fire helgar over ein periode på tolv veker. Vi har både ordinære og lange vakter i turnusen. Det kan bidra til fleksible friperiodar.

I stillinga på seksjon Lunde vil du spele ei sentral rolle i å etablere rutinar og prosedyrar, i samarbeid med andre miljøterapeutar. Målet er saman å skape struktur, rammer, tillit og tryggleik gjennom målretta miljøarbeid. For å møte kommunen sine framtidige behov, kan kompetansen din også bli nytta på andre område innan helse- og omsorgstenestene.

Vi søker deg som ønskjer faglege utfordringar og kan jobbe sjølvstendig i ein travel kvardag. Du vil få dyktige kollegaer som arbeider målretta med fokus på individuell pleie og omsorg av høg kvalitet og med refleksjon. Du finn små og store tiltak som skaper meistring.

Arbeidsoppgåver

• bistand og rettleiing knytt til helsehjelp, daglege gjeremål og fritid, etter brukarane sine behov
  
• verdibaserte oppgåver, sjølvbestemming, utvikling og meistring
  
• praktiske gjeremål i bustad og andre delegerte oppgåver frå leiar
  
• fagleg hovedansvar for legemiddelhandtering
  
• dokumentasjon etter gjeldande lovverk i journalsystemet Gerica
  
• bistand i ADL-trening (trening på aktivitetar i dagleglivet)
  
• ansvar for å utarbeide og følge opp miljøterapeutiske tiltak
  
• rettleie og samarbeide med pårørande og andre samarbeidspartar
  
• rettleie og samarbeide med medarbeidarar
  
• bidra til kompetanseutvikling og fagleg ajourhald for å kvalitetssikre tenesta

Kvalifikasjonar

• bachelor i vernepleie eller sjukepleie 
• 3 årig helse og sosialfagleg utdanning og helsefagarbeidar med erfaring frå liknande arbeid, kan bli vurderte (arbeidsoppgåvene vert då tilpassa di kompetanse)
  
• relevant erfaring frå arbeid med barn og unge som har utfordringar
  
• gode datakunnskapar
  
• kjennskap og erfaring kring Helse- og omsorgstenestelova kapittel 9, gjeldande tvang og makt
  
• førarkort klasse B
  
• gode ferdigheiter i munnleg og skriftleg kommunikasjon på norsk
  
• Vi har nynorsk som administrasjonsmål.

Vi ber om at du laster opp vitnemål og attestar i Webcruiter saman med søknaden.
Godkjent politiattest må leggast fram før tilsetting.

Personlege eigenskapar

• Du er positiv, kreativ og har genuin interesse for brukargruppa.
  
• Du er trygg på deg sjølv og er god på relasjonsbygging.
  
• Du samarbeider godt med kollegaer og trivst godt med å jobbe i team.
  
• Du er fleksibel og løysingsorientert, med høg gjennomføringsevne.
  
• Du kan jobbe målretta, er lojal mot opplegg rundt brukar og kan omsette teori til praksis i det daglege.
  
• Du handterer stress og utfordrande situasjonar.
  
• Du likar ein aktiv arbeidskvardag med moglegheit for bevegelse både inne og ute.
  

Stabilitet og personlege eigenskapar vil verte vektlagde saman med utdanning og praksis. Referansar vert nytta.

Vi tilbyr

• utfordrande, varierte og interessante arbeidsoppgåver saman med gode kollegaer
  
• løn etter gjeldande tariffavtale
  
• god pensjons- og forsikringsordning gjennom KLP
  
• moglegheit for komprimert turnus
  
• fagleg utvikling, fagdag i turnus
  
• tverrfaglige yrkesgrupper med vernepleiar, sosionom og fagarbeidarar
  
• elektroniske kurs gjennom Norsk Helseinformatikk (NHI) og Visma Veilederen
  
• stipendordning ved vidareutdanning i tråd med kompetanseplanen til helse- og omsorg
  

Vi tilset på dei vilkåra som går fram av  gjeldande tariffavtale, lover og reglement. Aktuelle kandidatar vil verte kalla inn til intervju. Søkarlista kan verte offentleggjort.

Herøy kommune er i kommunegruppe 5, noko som vil seie at dersom du bur og arbeider i kommunen kan du frå 1. januar 2025 årleg få sletta studielånet med kr. 25 000 kroner når året er gått. Dette gjeld også dersom du flyttar til kommunen etter denne datoen.

Kontaktinformasjon

Rose-Marie Kvalsund, Avdelingsleiar bu- og habilitering, +47 990 98 023

Arbeidsstad

Kvithaugsmyra 4
6092 FOSNAVÅG

Nøkkelinformasjon:

Arbeidsgivar: Herøy kommune

Referansenr.: 5076393494
Stillingsprosent: 100%
Fast
Søknadsfrist: 03.03.2026