Audiograf

Audiograf – Fast stilling og kursreise til WCA i Seoul (24.–27. mai 2026)

Vil du ha fast jobb som audiograf på Vestlandet – i ein by med kort veg til fjell, fjord og hav, og samtidig tilgang til bylivet?

Som ein ekstra fordel, tilbyr vi vår nytilsette audiograf dekka reise og deltaking på World Congress of Audiology i Seoul 24.–27. mai 2026. Kurset kan gjennomførast før oppstart i stillinga, og du vil reise saman med ein erfaren audiograf frå avdelinga.

Hørselsentralen i Helse Førde har 6,5 audiografstillingar og aktivitet på tre stadar: Førde, Lærdal og Nordfjordeid.

Vi er ein del av Øyre-Nase-Hals-Kjeve-avdelinga og arbeider tett saman i tverrfaglege team. I Førde er ØNH-legar og audiografar lokaliserte i same lokale.

Oppstart i stillinga skjer etter avtale.

Om Førde og regionen:
Førde er administrasjonssenteret i Sunnfjord kommune og den største byen i tidlegare Sogn og Fjordane fylke. Her finn du:

• Kort veg til fjord, fjell og kyst – perfekt for friluftsliv.
• Eit rikt kulturtilbod med konsertar, festivalar og arrangement.
• God infrastruktur med flyplass, bussruter og tre timar til Bergen med bil.

Friluftsentusiastar vil elske området: fjellturar, langrenn, alpint, toppturar, kajakkpadling, sykling, klatring og mykje meir.

Arbeidsoppgåver

• Oppfølging av pasientar gjennom heile behandlingsforløpet.
• Diagnostikk og behandling av hørseltap hos alle aldersgrupper.
• Bruk av moderne og komplett utstyr for klinisk audiologisk utgreiing.
• Tett samarbeid med ØNH-legar i utgreiing og behandling.
• Moglegheit til å utføre prosedyrar som ASSR i narkose, DEXTOR og andre spesialundersøkingar.

Kvalifikasjonar

• Høgskule/universitet, diplom-/ bachelorgrad, Audiograf 
• Søkarar utanfor Skandinavia må dokumentere kunnskap i norsk skriftleg og munnleg    

Personlege eigenskapar vi ser etter

• Du arbeider sjølvstendig og tek ansvar for eigne oppgåver.
• Du bygger gode relasjonar og skapar tillit hos både pasientar og kollegaer.
• Du er fleksibel og trivst i eit dynamisk og levande arbeidsmiljø.
• Du jobbar målretta og handterer krevjande situasjonar med ro og profesjonalitet.
• Du likar å samarbeide i tverrfaglege team og meistrar høgt arbeidstempo når det trengst.
  

Vi tilbyr

• For kvalifiserte søkjarar, tilbyr vi å dekke reise og opphald i forbindelse med intervju
• Dekka kurs og reise til  World Congress of Audiology, Seoul 24.–27. mai 2026 - WCA Seoul 2026
  
• Hjelp til å skaffe bustad, og dekking av husleige dei 2 fyrste månadane
• Dekking av 2 heimreiser per år dei 2 fyrste åra
• Eit godt og inkluderande arbeidsmiljø
  
• Høgt fagleg nivå
  
• Moglegheiter for fagleg utvikling og kompetanseheving.
  
• Løn i samsvar med gjeldande overeinskomst

 

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Karianne Strønen, Avdelingssjef, (+47) 578 31 582
Karin Refvik, Seksjonsleiar, (+47) 976 23 683

Arbeidssted

Svanehaugvegen 2
6812 Førde

Nøkkelinformasjon:

Arbeidsgiver: Helse Førde

Referansenr.: 4993956873
Stillingsprosent: 100%
Fast
Søknadsfrist: 09.12.2025