Utdanningsleiar

Om stillinga

Er du ein strategisk politileiar som ønskjer å jobbe med våre framtidige kollegaer, samt tilrettelegge for framtidas kompetansebehov i organisasjonen? Då kan du vere vår nye utdanningsleiar ved Stab for HR og HMS i Møre og Romsdal politidistrikt. Vi har ledig fast stilling som utdanningsleiar og søkjer deg som ønskjer å bidra til ei god grunnutdanning for politiet.

Stab for HR og HMS er ein strategisk leiarstøttestab for å støtte politimeisteren og leiargruppa hans i leiinga av distriktet. Stab for HR og HMS består av tre seksjonar; seksjon for HR og HMS, seksjon for tjenesteplanlegging og seksjon for utdanning PHS B2. Utdanningsleiar er seksjonsleiar for seksjon for utdanning PHS B2, administrativt underlagt politimeisteren, og fagleg underlagt politihøgskulen. I stillinga som utdanningsleiar har du ansvar for planlegging, koordinering, gjennomføring, kvalitetssikring og evaluering av praksisåret i samsvar med gjeldande programplan. Du har budsjett- og resultatansvar, personalansvar for tre praksisansvarlege, og er distriktet sitt kontaktpunkt mot politihøgskulen. 

Stillinga er stadsplassert i Ørsta, Ulsteinvik, Ålesund, Molde eller Kristiansund (etter avtale). Noko reiseverksemd må påreknast.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi ser etter motiverte personar som er interesserte i å tilrettelegge for studentar under utdanning, er opptatt av målstyrt kompetanseheving og vil sørgje for eit trygt og godt læringsmiljø. Vi stiller høge krav til fagleg kompetanse, motivasjon, arbeidsmoral og etisk integritet.

Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom haldningane sine og handlingar i det daglege arbeidet. Evna til å vere trygg, nærverande, lydhøyr og dessutan å byggje tillit til publikum, er avgjerande for suksess i organisasjonen vår.

I vår vurdering av kandidatar er mellom anna dette noko vi vil leggje vekt på i tillegg til evna til å skape eit inkluderande og respektfullt arbeidsmiljø.

Arbeidsoppgåver

• Personal-, resultat-, budsjett- og HMS-ansvar for seksjonen
• Fagleg og pedagogisk ansvar for planlegging, gjennomføring og evaluering av praksisstudiet i
  eiga opplæringseining, her under rettleiing av praksisansvarlege, praksisrettleiarar og
  fagrettleiarar
• Vere Politihøgskulen sitt kontaktledd i politidistriktet for praksisstudiet (B2) 
• Bidra til gode rutinar for kommunikasjon og samarbeid opp mot opplæringsstadane,
  praksisrettleiarane og studentane
• Setje i verk avgjerder som kjem fram i programplan, og sørgje for nødvendig endring for å nå
  læringsutbytteskildringane
• Ha rolle som praksisansvarleg for studentar ved behov/ etter avtale
• Andre oppgåver pålagt av overordna

Kvalifikasjonar

Nødvendig:

• Fullført og bestått Politihøgskule
• Pedagogisk utdanning på minimum 30 studiepoeng, eller forplikte seg til å gjennomføre etter tilsetting
• Erfaring frå rettleiing eller undervisning
• Dybdekunnskap om minst eitt av kunnskapsområda i programplanen (minimum fem års erfaring/teneste)
• God munnleg og skriftleg framføring
• God digital kompetanse, inkluderer erfaring med studentaktive læringsformer og bruk av digitale undervisnings- og vurderingsverktøy
• Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein rekne med at det blir henta inn opplysningar frå enkelte av politiet sine register og system til bruk i vandels- og skikkaheitsvurderinga.
• Må kunne klarerast for hemmeleg ref. sikkerhetsloven

Ønskeleg:

• Leiarutdanning og erfaring frå leiarfunksjon med personalansvar
• Erfaring frå ei av rollene i B2, utdanningsleiar, praksisansvarleg eller praksisrettleiar
• Kunnskap og erfaring med HMS arbeid 
• Anna relevant erfaring/utdanning

Personlege eigenskapar

• God forståing av arbeidsgiverrolla
• Resultat- og løysingsorientert med god gjennomføringsevne
• God på samarbeid og evne til å skape resultat i samhandling med andre
• God evne til å motivere gjennom kommunikasjon og relasjonsbygging
• Sjølvstendig og strukturert 
• Evne til å sette retning og drive endring
   

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Dette kan vi tilby om du vel oss

• Ein utfordrande og spanande arbeidsplass for deg som vil vere med på å forme politiet for framtida
• Stillinga blir lønna som SKO 0326 med funksjonstittel politiavdelingsleiar, frå kr. 800 000,- til kr. 875 000,- brutto per år
• Godtgjersle etter gjeldande ATB belastande unntak som for tida er på kr. 42 824  
• Du vil bli medlem i Statens pensjonskasse som gir deg mange gode. Les meir om tilsettingsgoda dine på spk.no/medlemskap-i-spk. Det blir trekt to prosent frå løna til innskot i Statens pensjonskasse
• Fleksibel arbeidstid og mogelegheit for trening i arbeidstida 
• Møre og Romsdal politidistrikt er ei IA-bedrift og er knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

. Video: https://www.youtube.com/watch?v=uUTjHmSB_Wc

Slik søkjer du

Du søker ved å skrive eit kort søknadsbrev, registrere utfyllande CV og legge ved relevante vitnemål og attester.

Opplysningar om deg kan bli offentleggjort sjølv om du har anmoda om ikkje å bli ført opp på søkerlista. Dersom anmodninga ikkje blir tatt til følge, vil du bli varsla om dette.