Ringevikarar - pleie og omsorg

Om stillinga

Er du på jakt etter ein meiningsfull jobb?

Tysnes kommune søkjer no ringevikarar innan pleie og omsorg. Me har behov for sjukepleiarar, vernepleiarar, fagarbeidarar og assistentar, som kan arbeide innan heimesjukepleie, heimehjelpstenesta, bufellesskap for vaksne utviklingshemma og ved Tysnes omsorgssenter.

Som ringevikar hos oss får du ein variert arbeidsdag der du møter menneske i alle aldrar med ulike hjelpebehov. Me ser etter vikarar som kan arbeide både dag, kveld og natt, avhengig av behov.

Ved tilsetjing vil du få opplæring som er tilpassa den avdelinga du skal arbeide på, slik at du blir trygg i rolla.

For å søkja må du vere fylt 18 år. Me ber om at attestar og vitnemål vert lasta opp ved innsending av søknaden. Tilsetjing skjer fortløpande.

Kva går stillinga ut på

Ringevikarar utfører arbeidsoppgåver innan dei ulike områda, i samsvar med kompetanse og erfaring. 

Relevante oppgåver:

• Utføre helse- og omsorgstenester tilpassa brukarane sine behov. 
   
• Sikre god oppfølging av brukarane sine fysiske, psykiske og sosiale behov i tråd med tiltaksplanar.
   
• Registrere og dokumentere nødvendige opplysningar i fagsystem.

Kva kompetanse som er viktig

Me søkjer etter ringevikarar med ulike utdanningsnivå og kompetanse: 

• Sjukepleiarar/vernepleiarar
• Helsefagarbeidarar / hjelpepleiarar / omsorgsarbeidarar 
• Assistentar 

Felles for stillingane er at det er ynskjeleg med erfaring frå brukargruppene. 

Det er eit krav om gode norskkunnskaper, både munnleg og skriftleg. For å bli ringevikar i heimetenesta er det også krav om førarkort klasse B. 

Dersom du får tilbod om stilling som ringevikar og takkar ja, er det krav om politiattest jf. helse og omsorgstenestelova § 5-4, samt eigenerklæring for tuberkulose og MRSA.

Kva me ser etter hos deg

Me ser etter deg som: 

• er trygg, omsorgsfull og har interesse for å arbeide med menneske
• er fleksibel og tilpasningsdyktig
• har gode kommunikasjonsevner
• tar ansvar og arbeider sjølvstendig, samtidig som du samarbeider godt i team 

Personlege eigenskapar vert tillagt stor vekt.

Kvifor skal du jobba hos oss?

Hos oss får du faglege og utfordrande arbeidsoppgåver i eit godt og inspirerande arbeidsmiljø. Samtidig får du mogelegheit til å utvikle og styrke eigen kompetanse innan ulike fagområder. 

Me tilbyr gode pensjonsordningar gjennom KLP, og løn vert gitt i samsvar med gjeldande hovudtariffavtale.

Mangfaldserklæring

Tysnes kommune ønskjer å spegla mangfaldet i befolkninga i rekrutteringa vår. Me oppmodar alle som er kvalifiserte til å søkja ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å legga til rette for inkluderande rekruttering.