Kunderådgjevar Kundesenteret - Deltid

Ønsker du ein variert og spennande deltidsjobb som Kunderådgjevar?

Visste du at Enivest leverar kundeservice i toppklassen? Vi er opptatt av kvalitet, vi har høgt kundefokus og er innovative. Du som tilsett på Kundesenteret har ei nøkkelrolle i kva vi skal prioritere for å møte våre kundar, samt våre potensielle kundar sine behov. Du vil snakke med kundar som treng bistand med sitt abonnement, faktura, det tekniske utstyret eller andre ting. Vi ønsker at du møter kunden med positiv framstilling og med ei engasjert framtoning.

Teamet på Kundesenteret sine levereglar God delingskultur, "sharing is caring" Vi tek ansvar for å skape ein fantastisk arbeidsplass Våre leiarar er tilgjengelege Vi bryr oss om kvarandre og har det kjekt på jobb Ros og konstruktive tilbakemeldingar er ein del av vår kvardag Vi har sterk fagleg integretet Vi oppfordrar til aktiv påverknad av din eigen arbeidskvardag

Til teamet på vårt Kundesenter søker vi no ein nytenkande og engasjert deltidsmedarbeidar som tør å utfordre og bidra til utvikling i retning kundebegeistring. Har du teknisk forståing, god lagånd og er genuint opptatt av god kundebehandling? Då kan vi tilby deg ein variert og lærerik arbeidskvardag med høg fart og mykje godt samarbeid. Arbeidstid vil vere anna kvar helg og ekstra ved behov.

Dine hovudarbeidsoppgåver:

• Teknisk support, feilsøking og feilretting

• Rådgjevar for våre kundar via telefon, e-post og chat

• Behovsavklaring og meirsal

• Bidra til å gjere vår teneste betre ved å komme med innspill og forslag til stadig forbetring

Ønska kvalifikasjonar og eigenskapar

• Genuint serviceinnstilt og imøtekomande ovanfor våre kundar

• Teknisk god forståing

• Meistrar behovsavklaring og er salsretta i ditt arbeid

• God norsk munnleg og skriftleg framstillingsevne

• Gode samarbeids- og kommunikasjonsevner

• Fleksibel i forhold til arbeidsoppgåver og arbeidstid

• Lærevillig og evner å sette deg inn i nye system kjapt

Kvifor skal du velje oss?

• Ei spennande stilling med ein viktig funksjon hos ein leiande aktør

• Gode utviklingsmoglegheiter

• Fagleg dyktige kollegaer

• Framoverlent organisasjon som satser på sine tilsette

• Konkurransedyktig løn og vilkår

• Gode pensjons- og forsikringsordninger

• Kjekke firmaturar

• Konkurranser, premiar og happenings gjennom heile året

• God varmmat frå kantina. Er du av den sunne typen, har vi eigen salatbar

• Gratis parkering. Forstår at dette er å forvente, men vi nemner det i tilfelle du skulle lure på det

• Vi tilbyr oppstart fortløpande

Om dette høyres ut som ei stilling for deg, så håpar vi at du sender inn ein søknad. Dersom du har spørsmål til stillinga, ta gjerne kontakt med leiar for Kundesenteret.

Aktuelle kandidatar vert kontakta for intervju fortløpande.