Om stillinga

Avfallsbransjen har ei sentral rolle i det grøne skiftet, og no søkjer me etter ein prosjektmedarbeidar som vil jobbe med sentrale prosjekt i SIMAS. Som prosjektmedarbeidar vil du få vere med å påverke og ha ei rolle i utviklinga av SIMAS som eit framtidsretta renovasjonsselskap. 

Arbeidsoppgåver

• Planlegge, koordinere, administrere og gjennomføre prosjektarbeid. 
• Me står framfor ei større oppgradering og optimalisering av returpunkt for fritidsrenovasjon. I første omgang vil denne stillinga få hovudansvaret for å planlegge og gjennomføre dette arbeidet, samt følgje opp den daglege drifta av returpunkt.
• I tillegg har SIMAS mange spennande prosjekt med ruteoptimalisering, standard køyreveg, arbeid mot forsøpling, ombruk og pyrolyse, som det vil vere aktuelt å delta i. 

Ønskja kvalifikasjonskrav

• Ha interesse for avfallsbransjen og gjenvinning/ombruk 
• Relevant høgare utdanning, eller 2-årig teknisk fagskule 
• Erfaring kan kompensere for manglande formell kompetanse 
• Erfaring med prosjektgjennomføring, miljø, bygg- og anlegg, forvaltning og utvikling er ein fordel 
• Vere bekvem med å forvalte og forholde seg til aktuelt regelverk, noko juridisk kompetanse er ein fordel 
• Trygg i møte med andre menneske, ha evne til å samarbeide med grunneigarar, eigarkommunar og internt 
• Gjennomføringsevne, høg grad av ansvarsfølelse og arbeidskapasitet, samt vere fleksibel 
• Ryddig, strukturert og nøyaktig
• Personlege eigenskapar vil bli vektlagt, og det vil bli teke omsyn til korleis vår nye medarbeidar kan komplettere dei andre medarbeidarane i verksemda
• God til å kommunisere skriftleg og muntleg, snakke og skrive flytande norsk 
• God IKT-kompetanse og vere klar for å lære deg nye system
• Førarkort klasse B 

Vi tilbyr

• Ein allsidig jobb i ein bransje i utvikling og som er framtidsretta
• Godt fagmiljø og hyggelege kollegaer 
• Varierende dagar med aktivt og samfunnsnyttig miljøarbeid 
• Fast stilling med gode tenestepensjons- og forsikringsordningar, lønn etter avtale 
• Arbeidstad i naturskjønne omgjevnadar i Festingdalen med kort avstand til flotte turar, både sommar og vinter