Om stillinga

Høgskulen i Volda søkjer dyktige og engasjerte nettverksingeniørar til faste stillingar innan IT-drift. Vi tilset inntil to søkjarar i stillingane. Bli ein del av vårt dynamiske team i Fellesadministrasjonen, der du vil spele ei nøkkelrolle i drifta av høgskulen sine sentrale IT-løysingar. IT-seksjonen består av 16 dedikerte medarbeidarar, inkludert 3 som jobbar med IT-hjelp i høgskulen si førstelinje.

Kvalifikasjonar

Vi ser etter kandidatar med relevant IT-fagleg bakgrunn, med fagbrev, bachelor- eller mastergrad. Erfaring med drift av større infrastruktur, skytjenester og Linux servermiljø. Kandidatar utan formell utdanning kan vurderast ved lengre relevant arbeidserfaring.

Det er ein fordel med relevant praksis og kjennskap til universitets- eller høgskulesystemet. Gode ferdigheiter i norsk og engelsk, både munnleg og skriftleg, er nødvendig.

Personlege eigenskapar:

Vi verdset samarbeidsevne, fleksibilitet og kommunikasjon. Kreativitet, løysingsorientering og serviceinnstilling er viktig, samt evna til å arbeide både sjølvstendig og i team. Personlege eigenskapar vil bli vektlagde ved vurdering av søkjarar.

Arbeidsoppgåver

• Administrasjon og vedlikehald av nettverk
• Drift og overvaking av brannmurløysingar    
• Informasjonssikkerheit

Arbeidsoppgåvene kan bli justerte etter behov og fastsetjast ut frå utdanning og erfaring til den som blir tilsett.

Vi tilbyr

Vi tilbyr:

• Eit hektisk og spanande arbeidsmiljø med stor variasjon
• Moglegheiter for fagleg og personleg utvikling
• Engasjerte kollegaer
• Gode pensjonsordningar i Statens pensjonskasse
• Tilsettgode som moglegheit for trening i arbeidstida

Tilsetjing skjer i samsvar med vilkåra i lov om offentlege tenestemenn, regulativ, reglement og dei instruksane som til ei kvar tid gjeld for stillinga, inkludert lovfesta innskot i Statens pensjonskasse.

Stillinga er løna etter kompetanse og kvalifikasjonar i statens lønsregulativ, normalt plassert i stillingskode 1083 Ingeniør frå kr. 595 936 – kr. 628 764, 1087, Overingeniør frå kr. 606 000—717 000, og i stillingskode 1181 Senioringeniør frå kr. 670 000—800 000.

Generell informasjon

Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Om søknaden

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Kontakt

Dersom du har spørsmål til stillinga kan du ta kontakt med IT-sjef Stig Flåskjer, e-post: stig.flaskjer@hivolda.no/tlf: +47 700 75167.

Studiebygda Volda

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på www.hivolda.no

 

. Video: https://www.youtube.com/watch?v=wSlL1WkuUXc