Overlege i hud- og veneriske sjukdommar

Haukeland universitetssjukehus har ledig inntil tre stillingar som overlege med oppstart etter avtale. Tenestestad er både Hudavdelinga på Haukelandsområdet og poliklinikken ved Helsehuset på Knarvik ut frå avdelinga sine behov.

Hudavdelinga driv dagpost og poliklinikk, inkludert poliklinikk for seksuelt overførte infeksjonar, og ein satelittpoliklinikk i Knarvik (Nordhordland). Sengeposten har 15 plassar delt med Revmatologisk avdeling. I 2024 hadde vi over 43000 polikliniske pasientkonsultasjonar. Avdelinga er regionavdeling for hudsjukdommar og universitetsklinikk i Helse Vest, og den einaste med døgnsenger for hudsjuke i regionen. Avdelinga dekker heile spekteret av akutt og kronisk hud- og venerisk sjukdom, og er leiande innan fagområde når det gjeld pasientbehandling, grunn- og spesialistutdanning, samt forsking. Hudkreft og inflammatorisk hudsjukdom, særleg psoriasis, er hovudtema i forskinga. Vi arbeider aktivt med forbetring av pasientforløp og har brukarmedverknad som særleg fokus

Arbeidsoppgåver

• Ut frå avdelinga sine behov må du rekne med å arbeide ved alle einingane til avdelinga (poliklinikkane ved HUS og Knarvik, SOI, dagposten, visittgang på vakt og som postoverlege)
• I stillinga inngår vaktteneste p.t. 8-delt bakvaktsordning med heimevakt
• Du vil vere delaktig i undervisning, supervisjon, etterutdanning og rettleiing av legar, studentar og andre personellgrupper
• Du tar aktiv del i forbetring og utvikling av faget og avdelinga

Kvalifikasjonar

Den som blir tilsett må ha norsk autorisasjon og vere godkjend spesialist i hud- og veneriske sjukdommar

Vi ønsker oss:

• Legar med brei medisinsk basiskunnskap
• Forskingskompetanse og interesse for vidare deltaking i forsking og undervising vil bli vektlagd
• Legar med særskild vilje og lyst til arbeid med kronisk sjukdom, men òg det akutte
  
• God kommunikasjon skriftleg og munnleg på norsk

Personlege eigenskapar

• Du er nysgjerrig og vitebegjærleg
• Du tar initiativ, med evne til strukturert og systematisk arbeid
• Du tar personleg ansvar for at oppgåver blir gjort, tilbyr gjerne hjelp og deler raust av kompetansen din
• Du har evne til tverrfagleg lagspel og inkluderande engasjement
• Du er pådrivar i fagutvikling og engasjert i forsking
• Du er lojal
• Du bidrar positivt til eit fagleg og kollegialt godt miljø
• Stor arbeidskapasitet, effektiv og fleksibel
• Evne til å trivast i eit aktivt og endringsorientert miljø
  
• Du har gode kommunikative evner
• Du har gode IKT-kunnskapar

Vi tilbyr

• Eit stimulerande og aktivt tverrfagleg fagmiljø
• Triveleg arbeidsmiljø
• Moglegheit for deltaking i diverse prosjekt (forsking og kvalitetsforbetring)
• Lønn i samsvar med gjeldande overeinskomst

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Ingeborg Margrethe Bachmann, Avdelingsoverlege, 92462656

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5003338336
Stillingsprosent: 100%
Fast
Søknadsfrist: 01.09.2025