ID 2361 Vernepleiar - Eining for habilitering

Avdeling Husahaugen er eit bufellesskape med 9 bustadar der det vert gitt heildøgns omsorg til dei bebuarane som har behov for det. Det er tilknytt eigen personalbase. Bustadane er kommunalt eigd, og bebuarane leiger hos Stord kommune.

Me er organisert i Eining for Habilitering, som har hovudkontor i Stord kommunale rehabiliteringssenter på Leirvik. Me er ei mangfaldig personalgruppe som trivst godt i saman. Me ynskjer medarbeidarar som kan jobba sjølvstendig og i team, har arbeidsglede, likar utfordringar og har evne til å vera løysingsorientert.

Om du er nyutdanna med oppdatert fagkunnskap, eller er erfaren og ynskjer nye utfordringar, så er du velkomen til å søkja! Det viktigaste er at du er fagleg trygg og kan ta ansvar i avdelinga. Du har godt humør og evne til å motivera og engasjera, og du har gode samarbeidsevner. Du er positiv, initiativrik og strukturert. Personlege eigenskapar vil bli vektlagt ved tilsetting.

Det er frå 01.10 ledig fast 100% stilling for vernepleiar. Stillinga har turnus med dag -, kveld- og langvakter, og arbeid kvar fjerde helg. Arbeids- og ansvarsområde for vernepleiar:

• Fagleg ansvar i avdelinga

• Samarbeid med andre instansar i helsevesenet

• Ansvar for å utarbeidar og evaluera mål og tiltak

• Ansvar for legemiddelhandtering og opplæring

• Ansvar for opplæring og rettleiing i høve hovuddiagnosar og tilleggsdiagnosar, og legga til rette miljøarbeid utifrå desse

• Rettleia anna personale i faglege og etiske spørsmål. Blant anna om tvang og makt etter Helse- og omsorgstenestelova kap. 9, og Lov om pasient- og brukarrettigheter, kap. 4 A.

• Førebygga og identifisera bruk av tvang og makt i miljøarbeidet

• Ansvar for utforming og oppfølging av tvangsvedtak

• Motivera og rettleia studentar, lærlingar og nye tilsette

Kvalifikasjonskrav:

• Autorisert vernepleiar.

• Førarkort kl B.

• Gode norskkunnskapar, munnleg og skriftleg

• Personleg eigenskapar vert vektlagt.

• Ved tilsetjing vil det bli stilt krav om at ein legg fram politiattest av ny dato.

Me kan tilby:

• Varierte arbeidsoppgåver i eit tverrfagleg fagmiljø

• Godt arbeidsmiljø

• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.

• Løns- og arbeidsvilkår i samsvar med kommunalt avtaleverk

• Offentleg tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Kontaktperson: Avdelingsleiar Camilla Dvergedal, tlf 957 42 406 eller einingsleiar Esther Aasen Bjelland, tlf 975 52 097