Rådgjevar/førstekonsulent til avdeling for urfolk og nasjonale minoritetar

Om stillinga

Om stillinga

Avdeling for urfolk og nasjonale minoritetar har 17 tilsette fordelt på to grupper – éi med juristar og éi primært med samfunnsvitarar. Oppgåva vår er å gjennomføre og følge opp regjeringa sine mål på politikkområdet for samar og nasjonale minoritetar. 

Vi har ei ledig stilling der du får saksbehandlaransvaret for avdelinga sitt arbeid med statsbudsjettet. Her vil du få ein variert arbeidskvardag i skjeringspunktet mellom fag og politikk. Du vil koordinere budsjettinnspel frå avdelinga og utarbeide grunnlag for politiske avgjerder som støttar opp under regjeringa sine mål for same- og minoritetspolitikken. Stillinga inkluderer arbeid med økonomioppfølging, system for verksemdsstyring og tilskotsforvaltning. Du vil også få mogelegheit til å bidra som saksbehandlar på fagfelta til avdelinga.

Stillinga inneber omfattande samarbeid med andre departement, direktorat, interesseorganisasjonar for nasjonale minoritetar og Sametinget. Vi ser derfor for oss at du likar å ta kontakt og ha dialog med andre, sidan arbeidet blant anna inneber å hente inn informasjon og innspel frå andre og bruke dette i det vidare arbeidet.

 

Dette får du jobbe med

Arbeidsoppgåver

• Oppfølging av statsbudsjettarbeid innan fastsette fristar
• Koordinering av departementa sitt budsjettarbeid på politikkfeltet urfolk og nasjonale minoritetar
• Verksemdsstyring
• Tilrettelegging for godt og nært samarbeid med andre fagdepartement

• Saksbehandling på fagfeltet til avdelinga etter behov

   

Kvalifikasjonar

Du må ha:

• Fullført relevant utdanning på masternivå, gjerne innan samfunnsvitskap eller økonomi
• God budsjett- og talforståing
• Svært god framstillingsevne både skriftleg og munnleg på norsk

 

Det er ønskeleg at du har:

• Erfaring frå offentleg forvaltning
• Erfaring med koordinering
• Erfaring med budsjettarbeid
• Kjennskap til arbeid med økonomistyring, verksemdsstyring eller budsjettarbeid
• Erfaring med eller interesse for avdelinga sitt fagfelt

 

For kandidatar med lite arbeidserfaring vil karakterar bli vektlagde.

For å kvalifisere til stillingstittelen rådgjevar, må du ha minst tre års relevant erfaring.

 

Personlege eigenskaper

For å trivast og lukkast i denne stillinga ser vi for oss at du:

• Har gode analytiske evner
• Har gode samarbeidsevner
• Held god framdrift i arbeidet og leverer innan korte fristar
• Har god oversikt og framdrift i komplekse saker med mange samarbeidspartnarar
• Er fleksibel, tilpassingsdyktig og tar initiativ
• Har god rolleforståing

Vi vil legge stor vekt på om du er personleg eigna for stillinga.

Utdanning og erfaring må dokumenterast med CV, vitnemål og attestar.

 

Vi tilbyr

Vi ønsker deg velkommen inn i et arbeidsfellesskap med dyktige kollegaer som er stolte av jobben sin. Vi tilbyr:

• Kompetanseutvikling i eit sterkt fagmiljø
• Fleksibel arbeidstid, betalt overtid og sommartid
• Arbeidsplass sentralt i Oslo sentrum
• Mogelegheit for trening i arbeidstida
• Medlemskap i Statens pensjonskasse med gode låne-, forsikrings- og pensjonsordningar
• Eit aktivt sosialt miljø med mange tilbod tilsette, eige bedriftsidrettslag og bedriftshelseteneste

Som ny i KDD får du frå starten av oppgåver som utfordrar deg, og du får ein fadder som følger deg opp. Departementet har eit introduksjonsprogram der du blir kjent med nytilsette i dei andre avdelingane. For tilsette under 40 år er det det ei eiga foreining, Ung i KDD, som bidrar til å skape ein arena for faglege og sosiale samlingar. Ønsker du å vite meir om korleis det er å jobbe hos oss, kan du lese meir her: Tilsette om KDD – Jobb i KDD (regjeringen.no).

Lønn: Stillinga blir lønna som førstekonsulent eller rådgjever, frå kr 570 000 – 740 000 per år. Stillings- og lønnsplassering avheng av erfaring og kvalifikasjonar. Frå lønna blir det trekt 2 % innskot til Statens pensjonskasse.

Autorisasjon og sikkerheitsklarering: Tilsette i Kommunal- og distriktsdepartementet må kunne sikkerheitsklarerast og autoriserast for tilgang til BEGRENSA etter sikkerheitslova. Les meir om autorisasjon og sikkerheitsklarering her.

 

Slik søkjer du

Send søknad elektronisk via lenka «Søk stillinga» øvst på denne sida.

Vi er opptekne av kunnskapen, erfaringane og kompetansen din, og vil derfor stille deg nokre faglege spørsmål i staden for å be deg skrive ein søknadstekst. Når du trykker på "Søk stillinga", kjem du til rekrutteringsportalen og må logge inn. I portalen er det viktig at du:

• Svarer på spørsmåla du får innleiingsvis. Spørsmåla erstattar søknadsbrev/tekst.
• Fyller ut CV-felta i portalen (sjølv om du legg ved ein ferdigutfylt CV). Dette er naudsynt for blant anna å vareta kravet om fullstendige søkarlister.

Vi meiner at inkludering og mangfald er ein styrke. Vi ønsker medarbeidarar med ulik kompetanse, fagkombinasjonar, livserfaring og perspektiv for å bidra til endå betre oppgåveløysing. Vi vil legge til rette for medarbeidarar som har behov for det. Aktuell tilrettelegging kan for eksempel vere tekniske hjelpemiddel, tilpassing av møblar eller endring av rutinar, arbeidsoppgåver og arbeidstid. Les meir om inkludering og mangfald her. 

KDD nyttar Semac bakgrunnssjekk i denne rekrutteringsprosessen. Bakgrunnssjekk blir utført etter samtykke frå kandidaten, og inneber mellom anna verifisering av CV og annan søknadsdokumentasjon i samband med tilsettinga. Godkjent bakgrunnssjekk er ein føresetnad for tilsetting.

I samsvar med offentleglova §25 gjer vi merksam på at opplysningar om søkaren kan bli offentleggjorde sjølv om søkaren har bede om å ikkje bli ført opp på søkarlista.

Kontaktpersonar:

• For nærare opplysningar om stillinga: Kontakt avdelingsdirektør Kristin Solbjør på tlf. 977 69 814 eller e-post: Kristin.Solbjor@kdd.dep.no
• For spørsmål om rekrutteringsprosessen: Kontakt senior rekrutteringsrådgjevar i DSS, Trine Havnes Mykløy, på tlf. 959 28 940 eller e-post: trine-havnes.mykloy@dss.dep.no