Politiførstebetjent innan operativ utlendingskontroll

Om stillinga

Ønskjer du å bidra i politiet sitt viktige arbeid innan utlendingsområdet? Ved Felles eining for utlending, forvaltning og sivil rettspleie (FUFSR), seksjon for utlending og grensekontroll har vi ledig ei fast stilling som politiførstebetjent innan operativ utlendingskontroll. Stillinga er ei fagleiarstilling.

Utlendings- og grensekontroll sine oppgåver i politidistriktet er primært å leggje til rette for lovleg og ønska innvandring, motverke ulovleg og uønska innvandring, samt sørgje for at alle som oppheld seg i Noreg har lovleg opphald og identitet. Vi etterforskar brot på utlendingslova og har høg grad av kontrollverksemd.

Kontrollverksemd og etterforsking skal ha fokus på rask avklaring av identitet knytt til utenlandske borgarer, lovleg innreise og opphaldsstatus og rask tvangsretur når forholda ligg til rette for det. I stillinga vil du vere ein sentral aktør for å nå desse måla.

Seksjonen er operativ og oppsøkjer ulike miljø og personar. Det må derfor påreknast jamleg reiseaktivitet i heile fylket. Stillinga har i hovudsak arbeidstid på dagtid, måndag til fredag. Noko turnusarbeid kan påreknast etter avtale.

Seksjonen består av dedikerte og motiverte ansatte fordelt på to oppmøtestadar i distriktet, høvesvis Ålesund og Kristiansund. Oppmøtestad for denne stillinga er i Kristiansund.

Syns du dette høyrast spennande ut vil vi gjerne høyre frå deg!

Dette ser vi etter hos ein ny medarbeidar

Vi ser etter deg som er motivert og interessert i utlendingsfaget. Vi stiller høge krav til fagleg kompetanse, arbeidsmoral og etisk integritet.

Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom haldningane og handlingane sine i det daglege arbeidet. Evne til å vere trygg, nærverande, lydhøyr og å byggje tillit til publikum, er avgjerande for suksess i organisasjonen vår.

I vår vurdering av kandidatar er mellom anna dette noko vi vil leggje vekt på, i tillegg til evna til å bidra til eit inkluderande og respektfullt arbeidsmiljø.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Arbeidsoppgåver

• Ansvar for porteføljen i DUF og BL
• Oppfølging av sakstilfang og fordele saker
• Planleggje og sørgje for at operative kontrollar/aksjonar blir gjennomført etter innkomne tips eller trendar i porteføljen
• Samarbeide med FOA og etterretningsansvarleg rundt prioriteringar og operativt arbeid
• Samarbeid med andre avdelingar i politiet og eksterne aktørar
• Etterforske og saksbehandle straffesaker/utlendingssaker i hht. lover, forskrifter og rundskriv
• Bidra positivt for å nå seksjonen sine målsettingar, bidra til høg kvalitet på all saksbehandling og sørgje for kunnskapsbasert erfaringslæring
• Opplæring og rettleiing
• Opprette og gjennomføre bort- og utvisningssaker
• Planleggje og gjennomføre personkontrollar og uttransportar
• Avdekke personer som oppheld seg ulovleg i Noreg, eller på anna måte har brote vilkår for opphald
• Koordinere og saksbehandle utlevering/overleveringssaker 
• Andre oppgåver kan bli lagt til ved behov 

Kvalifikasjonar

Dette må du ha for å vere kvalifisert:

• Fullført og bestått politi(høg)skule. Vitnemål og karakterskjema skal leggast ved søknaden, sjå https://www.politiet.no/sok/?SearchText=karakterskjema2023.xlsx
• Minimum to års erfaring frå utlendingsfeltet, samt god fagleg kunnskap og forståing av faget
• God skriftleg og munnleg uttrykks- og formidlingsevne på norsk og engelsk
• IP4-godkjenning, eventuelt må du kunne bli godkjent på nytt
• Du må ha plettfri vandel og vere skikka for teneste i politiet og politiattest (uttømmande og utvida) må innhentast ved ev. tilsetjing jfr. politilova § 18 og politiregisterlova § 41. Ved søknad på stillinga må ein pårekne at det blir henta inn opplysingar frå enkelte av politiet sine register og system til bruk i samband med skikkaheitsvurdering, jf. politiloven § 18 og  politiregisterloven § 41.

Det er også ønskjeleg med:

• Relevante kurs/etterutdanning innan fagområdet
• Relevant leiarerfaring
• Erfaring frå etterforsking, etterretning og grensekontroll
• Fleirspråkleg

Personlege eigenskapar

For å trivast og lykkast i stillinga, ser vi for oss at du:

• Har gode kommunikasjons- og samarbeidsevner
• Kan arbeide sjølvstendig og systematisk
• Gode leiareigenskapar med evne til å motivere og å bidra til å utvikle medarbeidarane på avsnittet
• Resultatorientert, herunder god gjennomføringsevne og kan skape resultat i samhandling med andre 

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Personlege eigenskapar blir vektlagt.

Dette kan vi tilby om du vel oss

• Ei utfordrande og spennande stilling for deg som vil vere med på å forme politiet i framtida
• Fast stilling som politiførstebetjent med brutto årslønn frå kr. 610 000 - kr 650 000. Endeleg lønnsplassering er avhengig av erfaring og kompetanse.
• Godtgjering etter gjeldande ATB på for tida 44 708 kr  og tillegg for eventuell turnusteneste
• Du vil bli medlem i Statens pensjonskasse som gir deg mange gode i tillegg til livsvarig alderspensjon. Les meir om tilsettingsgoda dine på www.spk.no  
• Det blir trekt to prosent frå løna til innskot i Statens pensjonskasse
• Mogelegheit for trening i arbeidstida 
• Møre og Romsdal politidistrikt er ei IA-bedrift og knytt til bedriftshelseteneste

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.