Førsteamanuensis/førstelektor/ høgskulelektor i norsk språk

Ved Høgskulen på Vestlandet (HVL) er det ledig ei midlertidig stilling som førsteamanuensis/førstelektor/høgskulelektor i norsk språk ved Fakultet for lærarutdanning, kultur og idrett, campus Bergen

Stillinga inngår i Institutt for språk, litteratur, matematikk og tolking og er ledig t.o.m. 31.07.2026. Tiltreding så snart som mogleg.

Arbeidsstaden er campus Bergen.

Ansvars- og arbeidsoppgåver:

Stillinga har følgjande ansvars- og arbeidsoppgåver:

• Undervise, rettleie og vurdere studentar i ulike emne i både GLU 1-7 og GLU 5-10, samt studentar i etter,- og vidareutdanning. Utvikle studentaktive læringsformer i tråd med krav i studietilsynsforskrifta. Aktuelle emne med undervisingsbehov er MGUNO101, MGBNO502/MGUNO502, MGBNO101, MGUNO102, MGBNO503, NORU803N, NORU804N, NOB802N med atterhald om endringar og ev. tillegg
• Oppfølging av lærarstudentar i praksis kan bli aktuelt
• Fagadministrative oppgåver som bruk av Canvas, TimeEdit, Wiseflow ol.
• Aktivt bruke digitale verktøy i arbeidskvardagen
• Undervisinga er i hovudsak fysisk, men noko digital undervising kan også vera aktuelt.

Kvalifikasjonskrav:

Formell utdanning og kompetanse:

Kriteria for tilsetting i undervisnings- og forskarstilling går fram av Forskrift til universitets- og høyskoleloven.

Førsteamanuensis
For tilsetting som førsteamanuensis må søkar ha avlagt doktorgrad i norsk språk eller innanfor eit fagområde med relevans for norsk språk.

Førstelektor
For tilsetting som førstelektor må søkar ha høgare grads eksamen eller tilsvarande innanfor eit fagområde med relevans for norsk språk, samt relevant yrkes- eller undervisningserfaring. 
Det er i tillegg krav om bidrag til faglig utviklingsarbeid på høyt nivå, i samsvar med internasjonale eller nasjonale standarder innen fagområdet/yrkesfeltet.

Høgskolelektor
For tilsetting som høgskulelektor må søkar ha hovudfag/mastergrad med gode resultat, normalt A eller B på masteroppgåva, og med relevans for stillingsprofilen, samt relevant yrkes- eller undervisningserfaring.
 

Den som blir tilsett må ha gode samarbeidsevner og kunne formidle fagstoff på ein god måte og gjere det relevant for undervising i norsk i grunnskulen. Den som blir tilsett må og evne å arbeide sjølvstendig, ta initiativ og vere fleksibel. I tillegg treng den som blir tilsett å ha høg digital kompetanse slik at eventuell nettundervising blir utført på ein god måte. Høgt etisk medvit i møte med studentar er påkravd.

Den som blir tilsett må kjenna godt til relevante læreplanar for norskfaget i grunnskulen.

Det tel positivt i vurderinga av søkar har god erfaring frå relevante forskings- og utviklingsprosjekt, irekna erfaring med utviklingsprosjekt med praksisfeltet.

Den som blir tilsett må vere personleg egna for stillinga.

Utdanningsfaglig kompetanse
Søkar må ha pedagogisk kompetanse og god undervisingserfaring frå grunnskule, vidaregåande opplæring eller høgare utdanning.
Utdanningsfagleg kompetanse (pedagogisk CV og mappe) vil ikkje bli spesielt vurdert ved tilsetting i midlertidig stilling.

Språkkrav:
Undervisningsspråket er norsk og søkar må meistre norsk eller eit anna skandinavisk språk.

Aktuelle kandidatar blir kalla inn til intervju.

Då stillinga er midlertidig er det ikkje inkludert FoU-tid i arbeidsåret.

Korleis søkje på stillinga?

Send søknad og CV ved å klikke på knappen merka ”Søk stillinga” på denne sida.

Vi gjer merksam på at søknader blir vurdert ut frå den informasjonen som er lagt inn i www.jobbnorge.no ved søknadsfristens utløp. Det er søkar sitt ansvar å sørge for at alle relevante vedlegg er lagt inn innan fristen,  irekna:

• Vitskaplege arbeid (inntil 5 stk.)
• Fullstendig publikasjonsliste
• Attestar og vitnemål.

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkar sjølv lasta opp attesterte omsetjingar. Om vedlegga overstig 25 MB må dei komprimerast før opplasting eller leggast ved som lenke, total maksgrense for opplasting av vedlegg er 50 MB.

Søkarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkaren er dekka av ordninga med automatisk godkjenning, vil det vera tilstrekkeleg å legge ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogleg når du veit at du vil søke på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadar kan ikkje sendast på e-post til enkeltpersonar ved høgskulen.

Vi tilbyr:

• Gode pensjons- og forsikringsordningar i Statens pensjonskasse
• Spanande fagmiljø med moglegheit for kompetanseheving - og utvikling
• Høve for trening i arbeidstida

Stillinga er lønna etter Statens lønsregulativ, i stillingskode 1011 - Førsteamanuensis / 1198 - Førstelektor / 1008 - Høgskulelektor.

Frå løna vert det trekt 2 % innskot til Statens pensjonskasse.

Generell informasjon:

Vi gjer merksam på at unntak frå den offentlege søkarlista blir handsama etter reglane i Offentleglova. Søkarar som har bede om slikt unntak, blir varsla dersom ønsket ikkje blir tatt til følge.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.

Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadene.

Inkludere, utfordre og samhandle

Les meir på våre heimesider.