Vil du bli vår nye lønnskonsulent?

Har du genuin interesse for lønnsfaget?  Er du ryddig og strukturert, og i tillegg nysgjerrig på videreutvikling av beste praksis innan systemløysingar, rapportering og rutinar?

Vi har ledig 100% fast stilling som lønnskonsulent. 

Lønnsavdelinga har 5 faste tilsette. Vi samarbeidar tett med leiarar i heile organisasjonen for å sikre rett til lønn til rett tid til våre om lag 2000 tilsette. I tillegg har vi ansvar for å krevja inn refusjonar frå NAV, og å gjennomføra lovpålagd rapportering av arbeids- og lønnsdata til offentlege instansar og pensjonskasser. 
 
Lønnsavdelinga har systemansvar for lønns- og HR systemet Visma Enterprise Plus HRM, som er mastersystem i Bjørnafjorden kommune. Arbeidsflyt og oppgåver er i stor grad digitaliserte, og det er eit kontinuerleg fokus på effektivisering og utvikling av prosessar og arbeidsflyt.

Lønnsavdelinga er del av HR-avdelinga, som saman med personal, IT, og organisasjonsutvikling  utgjer 26 tilsette. 
HR avdelinga har fokus på å bruka ressursar og kompetanse på tvers. Vi jobbar saman med prioriterte prosjekt.
Om du vil bli med oss på laget, vil du bli ein del av eit godt arbeidsmiljø og fagleg fellesskap, der samarbeid, kompetansedeling og felles måloppnåing står i fokus.

Arbeidsstad:   
Lønnsavdelinga  

Som lønnskonsulent hos oss har du ei viktig rolle med varierte oppgåver:  

• Lønnsarbeid fra A-Å 
• Rapportering, kontroll og avstemming 
• Pensjon 
• Utvikling og vedlikehald av system og lønnsrutinar på fagfeltet 
  
• Oppfølging og behandling av sjuke- og fødselspengar frå NAV 
• Opplæring og leiarstøtte 
• Prosjektarbeid knytt til digitalisering 

 Kvalifikasjonar 

• Relevant utdanning frå høgskule/universitet på bachelornivå innanfor økonomi/rekneskap/administrasjon/leiing, eller evt. autorisert rekneskapsførar. 
• Utanlandsk utdanning må vere godkjend av Direktoratet for høyere utdanning og kompetanse (HK-dir): https://hkdir.no/utdanning-fra-utlandet
  
• Det er ein fordel om du har 3-5 års erfaring frå lønnsarbeid og kjennskap til lønnssystem, fortrinnsvis Visma Enterprise. 
• God kjennskap til lov- og avtaleverk innan fagområdet 
• God digital kompetanse
• God norsk skriftleg og munnleg framstillingsevne 

Egenskaper 

• Du jobbar systematisk, er strukturert og løysingsorientert 
• Du har gode samarbeidsevne (men kan og jobbe sjølvstendig) 
• Du likar ein travel kvardag og løyser oppgåver i team, der du er med og tar i eit tak der det trengs 
• Du er analytisk og sjølvgåande og oppteken av å levere rettidige tenester. 
• Du ser mogelegheiter framfor utfordringar 
• Du blir med i jakta på smarte løysingar og har interesse for nye system og teknologi. 

Det blir lagt vekt på dine personlege eigenskapar.  

Vi tilbyr 

• Faglege og personlege utfordringar i eit godt og inspirerande arbeidsmiljø 
• God pensjonsordning, yrkesskade- og gruppelivsforsikring 
• Løn etter gjeldande avtalar 
• Vi arbeidar for å få etablert heiltidskultur i kommunen 

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for åbli unnateke. Dersom anmodningen ikkje vert tatt til følgje vil søkjaren bli varsla om det. 

Vi vil aldri be søkjar om å oppgi BANK-ID informasjon i søknadsprosessen.