Lærarar

Engelsvoll skule har ledig to faste lærarstillingar på mellomtrinnet frå 01.08.25. Vi søker deg som er ein engasjert, tydeleg og omsorgsfull lærar. Du har solid relasjonskompetanse, ei inkluderandre klasseleiing og trivst med arbeid i eit profesjonelt læringsfellesskap. 

Kjernekomponentane våre mot 2028 er "den engasjerte eleven", utvikling av "det profesjonelle læringsfelleskapet" og "digitalisering". Vi tar del i Kleppskulen sitt satsingsområde Oracy, der vi er ein av 4 pilotskular og deltakare i Erasmus + sitt konsortium.

Engelsvoll skule er sentralt plassert nær tostasjonen Klepp stasjon. Det er ca. 10 minutt å gå frå togstasjonen til skulen. Skulen vår ligg nær Frøyandsvatnet med flotte natur- og aktivtetsområder, som skulen nyttar i ein aktiv og variert skulekvardag. 

Neste skuleår har vi ca 165 elevar og 25 tilsette; lærarar, barne- og ungdomsarbeidarar, miljørettleiare og skuleleiing (rektor og to avdelingsleiarar). I tillegg har vi skulekonsulent, byggdriftar og helsesjukepleiar. Det er høg og variert kompatanse blant dei tilsette, og vi håper at du vil vera med å vidareutvikla dette til det beste for elevar og kollegaer. 

 

Arbeidsoppgåver

Vi søker etter deg som vil bidra til eit trygt, godt og inkluderande miljø for elevar og kollegaer. Det er difor viktig at ditt pedagogiske kompass er forankra i ein inkluderande pedagogikk der læring og utvikling skjer i aktivitet og saman med andre. 

Kjerneoppgåva er undervisning. I tillegg er det ønskeleg at du kan påta deg kontaktlæraroppgåver, og arbeider for eit ivaretakande og raust samarbeid med heimane. For å kunne tilby elevane ei praktisk, variert og inkluderande undervisning, arbeider du i team med skuleleiinga, lærarar og fagarbeidarar. 

Kvalifikasjonar

Du har godkjent undervisningskompetanse 1.-7. trinn eller 5.-10. trinn. Det er ein fordel om du har undervisningserfaring.

Du har gode munnlege og skriftelege ferdigheiter, i tillegg er du trygg i pedagogisk bruk av digitale verktøy. 

Du evner å realisere LK-20.

Personlege eigenskapar vil bli vektlagt. 

I høve til opplæringslova er tilfredsstillande politiattest ei forutsetning for tilsetting.

Personlege eigenskapar

Vi er opptatt av at Engelsvoll skule skal vera ein god plass for alle å vere. Vi leitar difor etter deg som har god relasjonskompetanse, likar å arbeide i team, men som og kan arbeida sjølvstendig og ta avgjersler på eiga hand.

Du har godt humør og er positiv bidragsyter inn i eit samla personale. Du er opptatt av å skape gode sosiale- og faglege resultat for elevar og kollegaer. Du er tydeleg og raus, er robust og har styrke til å handtera uforutsette situasjonar. 

Vi tilbyr

På Engelsvoll skule har vi det jillt. Vi tilbyr ein spennande og allsidig jobb der du kan vere med på å gjere ein forskjell for elevane våre gjennom å vidareutvikla eit godt lærings- og arbeidsmiljø. 
Du vil sjøvsagt få støtte og opplæring for å kunne gjere ein god jobb. Veiledning for nyutdanna. 

Gode velferds- og forsikringsordningar.

Lønn etter avtaleverk.

Kontaktinformasjon

Lise Følgesvold Pedersen, Rektor, +47 45036415, lise.folgesvold.pedersen@klepp.kommune.no
Mette Johnsen Monge, Avdelingsleiar, 91320376, mette.johnsen.monge@klepp.kommune.no

Arbeidsstad

Engelsvollvegen 91
4353 Klepp Stasjon

Nøkkelinformasjon:

Arbeidsgivar: Klepp kommune

Referansenr.: 4968829327
Stillingsprosent: 100%
Fast
Startdato: 01.08.2025
Søknadsfrist: 25.05.2025