Faglærar i musikk

ER DU VÅR NYE MUSIKKLÆRAR?

Kvam ungdomsskule ligg sentralt i Øystese. Skulen vil ha 260 elevar for skuleåret 25/26 og omlag 45 tilsette. På Kvam ungdomsskule snakkar me om våre elevar, ikkje mine og dine. Profesjonsfellesskapen ser me på som viktig og samarbeid er ein sentral del av kvardagen. 

Fokusområda til skulen dette året er følgjande: 

• skulemiljø 
• variert og elevaktiv undervisning
• BTI/Betre Tverrfagleg Innsats
  
• HMS for tilsette

Skulen har ledig 50% stilling som faglærar i musikk - Velkomen som søkjar!

Arbeidsoppgåver

• Planlegging og gjennomføring av musikkundervisning i klasse
• Samarbeid om undervisningsopplegg med andre lærarar
• Bidra til sosial og fagleg læring hos elevane.
• Den som vert tilsett i stillinga vil og få ei viktig rolle inn mot skulen si satsing på musikk- og teaterproduksjonen Vinterfest. Vinterfest er valfaget til alle elevane på 10. trinn og produksjonen vert jobba fram av elevane sjølve, i tett samarbeid, og under rettleiing av, vinterfestlærarane. Musikklærar har ei sentral rolle i dette arbeidet. 
• Andre fag og/eller større stillingsprosent i musikk kan verta aktuelt. 

Kvalifikasjonar

• Godkjent pedagogisk utdanning for grunnskulen jf. forskrift til opplæringslova. Andre med relevant arbeidserfaring og/eller utdanning kan også verta vurderte for mellombels tilsetjing
• God fag-/metode- og relasjonkompetanse
• Gode digitale ferdigheiter og kunnskap om pedagogisk bruk av IKT

Ved ny tilsetjing vert det stilt krav om politiattest, jfr. Opplæringslova § 10-9.
Ber om at du legg inn vitnemål og attestar saman med søknaden i Webcruiter.

Personlege eigenskapar

Me legg vekt på personelege eigenskapar som at:

• Du er ein trygg, raus og tydeleg klasseleiar med positivt elevsyn
  
• Du tek initiativ til nye arbeidsmåtar
  
• Du har fokus på elevane sine moglegheiter for læring
  
• Du er fleksibel, omstillingsdyktig og finn løysningar
  
• Du er strukturert og overheld tidsfristar
  
• Du kommuniserer godt med kollegaer, elevar, føresette og andre samarbeidspartnarar 
  
• Du tek ansvar og er profesjonell
  
• Du er positiv og bidreg til eit godt arbeidsmiljø 

Me tilbyr

• Godt arbeidsmiljø og teamkultur
• Systemretta utvikling av skulen med vekt på kollektiv kapasitet
• Spennande, utfordrande og varierte arbeidsoppgåver
• Løn etter sentralt og lokalt lønnsystem
• Gode offentlege pensjons- og forsikringsvilkår
  
  Generell informasjon:
  Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ynskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.
  
  
  

Kontaktinformasjon

Elisabet Aarekol, Rektor Kvam ungdomsskule, +47 975 17 056

Arbeidsstad

Holmatunvegen 12
5610 Øystese

Nøkkelinformasjon:

Arbeidsgivar: Kvam herad

Referansenr.: 4973744054
Stillingsprosent: 50%
Fast
Startdato: 01.08.2025
Søknadsfrist: 05.06.2025