Er du student og vil ha sommarjobb i Vestland fylkeskommune 2026?

Er du student eller heilt nyutdanna innan ein ingeniør-/teknisk fagretning og ynskjer deg ein relevant og
utfordrande sommarjobb innan infrastruktur og veg, då må du lese meir her:

På avdelinga for infrastruktur og veg (INV) tek vi vare på fylkeskommunen sine forvaltningsoppgåver som vegeigar. Fylkesvegane knyter fylket saman og skal fungere som ei trygg og føreseieleg ferdselsåre. Visjonen vår er å tilby eit effektivt, tilgjengeleg, sikkert og miljøvennleg vegsystem som dekker samfunnet sitt behov for transport og fremmar regional utvikling. 

Avdelinga søkjer for sommaren 2026 inntil 10 sommarvikarar med arbeidsstad primært i Bergen eller Leikanger. Vi tilbyr varierte oppgåver der du vil ha din arbeidskvardag både inne på kontoret og ute på oppdrag. Vi ber deg skrive i søknaden kva eining og lokasjon du ynskjer å søkje på, samt kva tidsperiode du kan arbeide i.

Arbeidsoppgåver

Som sommarvikar hos oss vil du få god opplæring, spennande og relevante arbeidsoppgaver, eigen fadder
og bli kjend med kunnskapsrike kollegaer i eit sterkt fagmiljø.

Følgande einingar og arbeidsoppgåver er aktuelle: 

Geodata:

• NVDB oppdatering
• Ulykkesanalyserapport
• GIS-oppgåver
• Innsamling av trafikkdata

Til desse oppgåvene vil det vere ein fordel med studieretning geomatikk. Kontorstad er Bergen eller Leikanger.

Geo og skred:

• Fagleg rådgjeving og prosjektering innan planprosjekt og drift-og vedlikeholdsoppdrag.
• Skredfaglege vurderingar i felt Vegteknologisk bistand innan forsterkningstiltak

Det vil vere ein fordel med studieretning ingeniørgeologi, vegteknologi eller geoteknikk. Kontorstad er Bergen, Leikanger eller Voss. 

Elektro:

• Kartlegging av felleføringsanlegg (fiberaktører på veglysanlegg eid av fylkeskommunen)og etablering av avtaler med leigetakarar.
  
• Kartlegge behov for skogrydding på veganlegg med veglys.
  
• Registrering av ledningsanlegg og tennskap for veglysanlegg i digitalt kartverktøy.
  
• Kontroll av strømregninger for umålte veglysanlegg etter skifte til LED

Relevant studieretning vil vere t.d innan elektro. Du må ha sertifikat kl.B. Kontorstad er Bergen. 

Vedlikehald bru og kai: 

• Bruinspeksjonar
  
• Registrering av inspeksjonar i BRUTUS.

Relevant studieretning for desse oppgåvene vil vere konstruksjonsteknikk bygg. Du må ha sertifikat kl. B.  Kontorstad er Bergen.

 

Kvalifikasjonar

Vi ser etter deg som er under utdanning eller nyleg har fullført, primært på bachelor-/masternivå, innan relevant ingeniør-/teknisk fagretning.

Du har generelt gode datakunnskapar og interesse i å setje deg inn i nye system.

Personlege eigenskapar

Kven er du?

Du trivast med sjølvstendig arbeid, men også i samarbeid med andre. Du har gode kommunikasjonseigenskapar, både munnleg og skriftleg.  For å kunne dra ut på oppdrag og befaring er det naudsynt med førarkort kl. B.

Vi tilbyr

• ei fagleg utfordrande og spennande stilling med stor samfunnspåverknad.
• god opplæring og fadderordning.
• eit godt og inkluderande fagmiljø.   

Kontaktinformasjon

Elektro: Sigbjørn Rabbe, Seksjonsleiar, 97569799
Geo og skred: Stein Olav Njøs, Seksjonsleiar, 95191855
Vedlikehald bru og kai: Jorunn H. Sekse, Seksjonsleiar, 97425209
Geodata: Torgeir Bøyum, Sjefingeniør, 99203212

Arbeidsstad

 

Nøkkelinformasjon:

Arbeidsgivar: Vestland fylkeskommune

Referansenr.: 5055033932
Stillingsprosent: 100%
Sommarjobb
Søknadsfrist: 12.01.2026