ID 2343 Fastlegeavtalar

Vil du jobba som lege i Stord kommune? Me har fleire ledige heimlar som fastlege og ynskjer deg på laget!

Ledige fastlegeavtalar: Stord legesenter - 1 eventuelt 2 heimlar - næring/fastløn

Det er ledig ein fastlegeavtale ved Stord legesenter med 1150 personar på liste. Kommunen er open for diskusjon om næringsavtale, fastlønna stilling eller andre alternativ ut frå søkjar sine ønske. Det kan også verta aktuelt å dele lista og få to heimlar med kortare listelengde. Den aktuelle praksisen er sentralt lokalisert i moderne lokale, med elektroniske pasientjournal og eigne kvalitetssystem. Det jobbar pr i dag 3 legar ved senteret.

Heiane legesenter - 1 heimel - næring/fastløn

Det er ein ledig heimel ved Heiane legesenter, lyses ut som næringsdrift. Senteret er veldrive med 7 legar og 1 LIS1. Det er for tida eit listetak på 700 i heimelen.

Landsbylegane - 2 heimlar - næring/fastløn

Det er ledig to heimlar ved Landsbylegane. Det er i dag 800 og 850 på listene. Det jobbar 5 legar ved kontoret og er lokalisert i lyse moderne lokaler i den nye Helseparken sentralt i Leirvik.

Vilkår for næringsdrift i kommunen;

• Forsterka basistilskot

• Kurskompensasjon og kompensasjon for fråvær frå praksis for sjølvstendig næringsdrivande legar inntil 10 dagar/år.

• Kompensasjon for sjukt barns fråvær 10 dagar.

• Etableringstilskot - 300.000 i startkapital for nyetablerte sjølvstendig næringsdrivande som vert i stillinga i 3 år (utbetalast ved oppstart -- etter søknad).

Me vil strekkja oss langt for å koma i møte faglege utviklingsbehov anten søkjar er spesialist eller treng spesialisering som allmennlege. Kommunen er godkjend utdanningsverksemd og kan gje rettleiing og supervisjon frå røynde legar. Fastløna legar får gode permisjonsordningar og næringsdrivande ALIS lege vil få årleg utgiftsdekking knytt til vidare og etterutdanning.

Legen får gå inn i eksisterande samarbeidsavtale mellom legane ved det aktuelle kontor. Kommunen vil leggja til rette for at fastlegane skal ha trygge arbeidsvilkår med moglegheit for arbeidstidsordningar, med omsyn til familieliv, økonomi og fagleg fellesskap og utvikling.

Vaktordning

Legen tar del i vaktordning på dagtid og i Sunnhordland interkommunale legevakt. Legevakta har fast stasjon i eit samarbeid mellom 3 kommunar med 31000 innbyggjarar. Det vert om lag 3 vakter/mnd. og høve for ekstravakter. Vaktdøger er oppdelt med tilstadesvakt for lege og sjukepleiar i fastlønsordning. Legevakta er samlokalisert med interkommunal sengeavdeling (KAD) i nye moderne lokale og nær Stord sjukehus og ambulanse.

Krav til stillinga

• Godkjent norsk autorisasjon som lege.

• Søkjar må ha fullført turnusteneste eller fått godkjent tilsvarande teneste av Statens Autorisasjonskontor for Helsepersonell som gir høve til å praktisere som fastlege.

• Ha refusjonsrett frå Helfo.

• Fagleg dyktig og gode samarbeidsevner.

Vi legg vekt pågode referansar som gjeld fagleg dugleik og personlege eigenskapar i høve samarbeid.

God norsk språkutøving og kulturforståing er viktig.

Vi kan tilby

• eit godt arbeidsmiljø, dyktige medarbeidarar og ein arbeidsplass der det er fokus på eit fagleg godt tilbod til pasientar og tilsette.

• godt samarbeid med vel-fungerande lokalsjukehus på Stord.

• Vilkår for fastlegeavtale elles går fram av gjeldande forskrift, retningsliner og tariffavtalar.

• Løns- og arbeidsvilkår er i samsvar med gjeldande kommunalt avtaleverk. Det må leggjast fram politiattest.

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

For ytterlegare opplysingar om stillingane:

Kommuneoverlege Linda Mari Hammersland kan kontaktast på 969 44 927, e-post: Linda.Mari.Hamersland@stord.kommune.no

Stord legesenter
Øystein Nygård på: 478 60 040, e-post: oystein.nygaard@sklbb.no,
Dag Frode Valen Johannesen på 950 76 278, e-post: dfvj@sklbb.no

Heiane legesenter
Lars Gunnar Solsvik; e-post: lgsolsvik@gmail.com, tel.: 971 87 347

Landsbylegane
Etai Bogen; e-post: admin@landsbylegane.no, tel.: 993 61 047

Søknadsfrist: fortløpande innkalling til intervju.