Analytisk, sjølvgåande og driftig økonom på jakt etter nye moglegheiter?

Har du høg kompetanse innan økonomistyring? Og lyst til å bruke dine faglege og personlege kompetansar til det beste for kommunen vår? Då vil me ha deg med på laget.

Som økonomisjef rapporterar du direkte til rådmannen og har det overordna og faglege ansvaret for kommunen si økonomistyring. Her kan du bidra til kommunen si utvikling gjennom arbeid med verksemdstyring, analysar og prognosar. I tillegg vil du vere rekneskapsansvarleg for Ål kraftverk i tett samarbeid med verksemda sin daglege leiar. Økonomisjefen er del av rådmannen si leiargruppe, og tidlegare økonomisjef kan bistå deg i oppstartsfasen.

• overordna ansvar for utarbeiding av budsjett, økonomiplan og rekneskap
• løpande økonomi- og budsjettoppfølging
• leiarstøtte i planlegging av ressursbruk og økonomisk måloppnåing
• personalansvar for medarbeidarer på rekneskaps- og lønsavdeling
• rapportering, driftsanalysar og forvalting av stønadsordningar
• presentere økonomiarbeidet for politikarar
• sikre at lovar og forskrifter blir fulgt

Me søkjer ein person med høgare økonomisk utdanning eller solid arbeidserfaring i liknande roller. God kunnskap om kommunal verksemd, økonomistyring innan offentleg sektor og kjennskap til kommunen sine system innan budsjettering og rekneskap vil bli vektlagt.

• god lagspelar med evne til å motivere og engasjere andre
• analytisk og strukturert, også i forhold til å prioritere og organisere eigen arbeidskvardag
• evne til å presentere økonomifaget på ein enkel og forståeleg måte
• trivst med hektiske dagar og har god gjennomføringsevne
• løysingsorientert

Personleg eigna, med fokus på positiv tilnærming, samarbeidsevne/-vilje og fleksibilitet vil bli tillagt stor vekt.

• ein spennande og meiningsfull stilling i ein attraktiv kommune
• positive, engasjerte og hjelpsame kollegaer
• ei utfordrande stilling med høve til fagleg utvikling

Vitnemål og attestar legg du inn saman med søknaden.