Førsteamanuensis (70%) i produktdesign med fokus på tekstil

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Førsteamanuensis

Ved Institutt for design, Fakultet for kunst, musikk og design, Universitet i Bergen, er det ledig ei åremålsstilling for 6 år som førsteamanuensis (70%) i produktdesign, med fokus på tekstil. 

Arbeidsoppgåver:

Vi søker ein førsteamanuensis til undervisnings- og forskingsrelaterte oppgåver innafor fagområdet produktdesign, med fokus på tekstil. Vi søkjer deg som har kompetanse innan tekstil og digital veving. Har du erfaring med eksperimentell praksis, materialtesting eller utvikling av berekraftige materialar, vil dette vere ein stor føremon.  

Du vil undervise og rettleie studentar på bachelor- og masternivå, med særleg ansvar for emne knytt til materiallære, designprosessar og designmetodar. Du vil òg få høve til å utvikle eigne forskingsprosjekt, gjerne i samarbeid med andre fagområde og eksterne aktørar, og kunne rettleie ph.d. kandidatar.

Vi ønskjer oss ein kollega som evnar å kombinere fagleg dybde med pedagogisk engasjement, og som kan kontekstualisere praksisen.  Du vil vere med på å vidareutvikle studieprogramma våre, og bidra til å styrkje instituttet si rolle som ein pådrivar for berekraftig innovasjon. 

 

Arbeidsoppgåver:  

• Undervisning, rettleiing og eksamensarbeid.  
• Ansvar for undervisningsopplegg i samsvar med studieplanar.
• Kunstnarleg utviklingsarbeid, inkludert prosjektutvikling og -leiing.  
• Utvikling av søknader om ekstern finansiering og leiing av forskingsgrupper kan bli aktuelt.
• Hovudrettleiar for BA-, MA-, og ph.d.-studentar.  
• Rekruttering av BA-, MA-, og ph.d.-studentar.
• Formidling.
• Organisering og tilrettelegging av desse oppgåvene.
• Administrative oppgåver og andre styringsoppgåver, inkl. komitéarbeid kan bli aktuelt. 

Kvalifikasjonar og eigenskapar:

For stilling som førsteamanuensis vert det kravd doktorgrad i kunstnarisk utviklingsarbeid innan relevant fagområde, eller kompetanse på tilsvarande nivå dokumentert ved kunstnarisk arbeid av same omfang og kvalitet, i kombinasjon med høgare grads eksamen eller tilsvarande innan relevant fagområde; møbeldesign, produktdesign eller nærliggande fagområde.

Til stilling som førsteamanuensis vert det kravd universitetspedagogisk basiskompetanse, som skal dokumenterast på grunnlag av eigen undervisning/rettleiing og gjennomført universitetspedagogisk utdanning (200 timar eller tilsvarande). Det krevjast: 

• Grunnleggande ferdigheiter innan planlegging, gjennomføring, evaluering og utvikling av undervisning og rettleiing.
• Evne til å reflektere over egen underviserrolle, og til å diskutere og grunngje val i egen undervisning og rettleiing. 

Kompetansen dokumenterast gjennom ei utdanningsfagleg mappe med oversikt over og dokumentasjon på søkarens praktiske erfaring og gjennomførte kurs, samt eit kortfatta  refleksjonsnotat. Notatet skal primært vere knytt til eigen undervisningsfilosofi og ein vurdering av eigen undervisning i høve til kunnskap om studentar si læring i høgre utdanning. Nærare informasjon om dokumentasjon av utdanningsfagleg kompetanse finn du her.

Dersom den som blir tilsett ikkje kan dokumentere tilstrekkeleg utdanningsfagleg kompetanse ved tilsetting, må krava vere oppfylte innan to år.

Den faglege kompetansen vil bli vurdert av ein sakkunnig komité. Dei best kvalifiserte søkjarane vil bli kalla inn til intervju av ei intern intervjugruppe, og vil også kunne måtte halde prøveførelesning for instituttets stab og studentar. 
 

I tillegg vil det bli lagt vekt på:

• Eit sterkt engasjement for berekraftig materialbruk og framtidsretta design.  
• Ønske om å utforske moglegheiter ved ulike tekstile materialar og teknologiar.
• Undervisningskompetanse i digital vev og designprosessar med tekstil som materiale.
• Dokumentert forsking innan materialar / materialbruk knytt til design.  
• Ein utvikla praksis innan fagområdet.
• Erfaring med undervisning på universitetsnivå.
• Gode samarbeidsevner, med vekt på dialog og inkluderande fagleg kommunikasjon.
• Organisatoriske evner og erfaring.
• Personlege og mellommenneskelege eigenskapar.
• Evne til å arbeide sjølvstendig og strukturert, vere ansvarsfull, fleksibel og imøtekomande.

Undervisningsspråket er i hovudsak norsk. Det blir kravd at den som blir tilsett har ferdigheiter i norsk eller eit anna skandinavisk språk på nivå B2 innan tre år etter tilsetjinga. UiB tilbyr norskopplæring og vil legge til rette for at språkkravet kan oppfyllast.  

Arbeidsstad for stillinga er på campus i Bergen, og det vert forventa jamleg nærvær etter avtale med instituttleiar. 

Vi tilbyr:

• Spennande og utviklande arbeidsoppgåver i et sterkt fagmiljø.
• Stilling som førsteamanuensis (kode 1011) i årsløn kr 757 600 – 798 000 brutto. Det vert trekt 2 % pensjonsinnskot til Statens pensjonskasse. For særleg kvalifiserte søkjarar kan det bli aktuelt å vurdere høgare løn.
• Medlemskap i Statens pensjonskasse. 
• Gode velferdsordningar

Søknaden skal innehalde:

• Søknadsbrev der søkaren gjer greie for si motivasjon for å søkje stillinga, og korleis eigne kvalifikasjonar og erfaringar er relevante for dei oppgåvene og krava som ligg til stillinga.
• CV.
• Vitnemål og attestar.
• Materiale som dokumenterer kunstnarleg (designfagleg) utviklingsarbeid og designfagleg verksemd/ næringsprosjekt.
• Dokumentasjon av undervisningserfaring og pedagogiske kvalifikasjonar (pedagogisk mappe) (skjema til nedlasting/utfylling). 

NB. Søknader vil bli vurderte basert på informasjonen som er tilgjengeleg i JobbNorge når søknadsfristen går ut. Dersom originale dokument ikkje er på engelsk eller eit skandinavisk språk, må stadfesta omsetjingar bli lagt ved på eitt av desse språka.

Søkjaren har sjølv ansvaret for å sjå til at all informasjon er lasta opp før fristen. 

Generell informasjon:

Utfyllande opplysningar om stillinga kan ein få ved å vende seg til: Fungerande instituttleiar Gustav Kvaal, e-post: Gustav.Kvaal@uib.no 

For tekniske spørsmål knytt til søknadsprosessen ta kontakt med HR ved KMD på: hrkmd@uib.no    

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.