Lærar

I Time kommune, for tida Hognestad skule, er det ledig ei fast stilling som kontaktlærar på 4.trinn (100%) frå 1.12.23 og ei fast stilling som kontaktlærar på 2.trinn (80%) frå 1.1.24. Me søkjer deg som vil vera med på ein spennande arbeidskvardag, og vera med på utviklinga av Timeskulen framover. Siste års lærarstudentar blir oppmoda til å søkja.

Skulen ligg i landlege omgjevnadar ca 5 kilometer sør frå Bryne. Skuleåret 2023-2024 er det 64 elevar frå 1.-7. klassetrinn med om lag 16 tilsette. I tilknytting til skulen er eigen idrettshall som er aktivt i bruk på dag og kveldstid. Landskapet i nærområdet innbyr til gode moglegheiter for læring og aktivitetar også i friluft.

På Hognestad er foreldra og lokalmiljøet opptekne av skulen sin, og deltek med engasjement i samhandling med skulen.

Hognestad skule sine utviklingsområde er engelsk og motivasjon. Målet er at alle elevane skal oppnå sitt høgaste potensial, og at elevane skal vera aktive i undervisninga og i eiga læring. Skulen satsar i tillegg på tema som "Bygda vår" og "Skulehage".

Skulane i Time er ein del av Jærskulen, eit interkommunalt samarbeid om skuleutvikling saman med Hå, Klepp og Gjesdal. Hognestad er i leiarnettverk saman med Bryne skule, Orre skule, Tu skule og Varhaug skule.

På Hognestad skule har alle elevar og tilsette personlege læringsbrett som verktøy for å forsterka læring. Trinntrid og teamtid vert brukt til refleksjon og deling med fokus på læring.

Arbeidsoppgåver

- Kontaktlærar 
- Sjå og møta den einskilde elev der han/ho er
- Arbeida systematisk for å få eleven til å oppleva meistring og framgang
- Samarbeida godt og spela på lag med andre 

Kvalifikasjonar

- Godkjent lærarutdanning for barneskule og gjerne erfaring frå grunnskule
- Har gode norskkunnskapar både skriftleg og munnleg
- Har god digital kompetanse

Personlege eigenskapar

• Gode samarbeidsevner, både internt og eksternt, og kunna bidra positivt i jobbfellesskapet
  
• Evne til å kunna arbeide sjølvstendig og ta initiativ til oppgåver som må gjennomførast
  
• Villig til å ta fatt på nye arbeidsoppgåver etter kvart som organisasjonen endrar seg
  
• Du må lika utfordringar, vere engasjert, løysingsorientert og kunne trekke slutningar
  
• Evne til å ta ansvar for eigen utvikling og ta til deg ny kunnskap
  
• Du må ha gode kommunikasjonsevner og framstå klar og tydeleg
  
• Det krevst gode norskkunnskapar, og både skriftleg og munnleg framstillingsevne vil bli vektlagt i tilsetjingsprosessen

Vi tilbyr

• Ein av dei beste pensjonsordningar i landet! 
• Lønn etter tariff/avtale
• Ein spennande, variert og fagleg utfordrande arbeidsplass i eit godt arbeidsmiljø
  
• Nært samarbeid i ein organisasjon i utvikling
  

Kontaktinformasjon

Ingveig Nærland Ødegård, Rektor

Arbeidsstad

Hågenholen 1
4346 Bryne

Nøkkelinformasjon:

Arbeidsgivar: Time kommune

Referansenr.: 4711077676
Stillingsprosent: 100, 80%
Fast
Søknadsfrist: 05.10.2023