Diabetessjukepleiar

Vi søker ein engasjert og fagleg sterk diabetessjukepleiar til Eining for behandlingshjelpemiddel (BHM).

Stillinga har hovudfokus på diabetesbehandling og oppfølging av pasientar som får medisinsk teknisk utstyr i heimen. Vi arbeider direkte og indirekte med både pasientar og deira støtteapparat, noko som gjer det viktig å ha forståing av heilskapleg behandling.

Vi ser etter deg som har solid kompetanse innan diabetes og som trivst i eit fagfelt i kontinuerleg utvikling. Du vil få ei viktig rolle i samhandling med kliniske miljø, pasientar og leverandørar – og vil få moglegheit til å bidra i anbodsarbeid.

BHM har ansvar for utlån og oppfølging av medisinsk teknisk utstyr og tilhøyrande forbruksmateriell innanfor fleire ulike fagområda til heimebuande pasientar i Helse Bergen. Eininga har eit tett samarbeid på tvers av dei ulike fagområda, og tilbyr i tillegg poliklinisk oppfølging og opplæring. Du vil bli del av eit tverrfagleg og kompetent fagmiljø som arbeider for gode og effektive pasientforløp.

Les meir om BHM på vår nettstad Eining for behandlingshjelpemiddel (BHM)

Arbeidsoppgåver

Ansvarsområde:

• oppfølging av pasientar innan diabetes og behandlingshjelpemiddel
• tett samhandling med klinikkar, primærhelsetenesta og leverandørar
• bidra i anbodsprosessar og oppfølging av avtalar
• medverke til utvikling av tenesta i tråd med fagleg og teknologisk utvikling

Konkrete oppgåver:

• handtere pasientførespurnader via telefon og Helsenorge
• rettleie og samarbeide med kliniske miljø og førstelinjetenesta
• gjennomføre opplæring/undervisning ved behov
• dokumentere i journalsystem
• følgje opp utstyr, forbruksmateriell og leveransar
• bidra til kvalitetssikring og forbetringsarbeid

Kvalifikasjonar

• norsk autorisasjon som sjukepleiar
• vidareutdanning eller dokumentert kompetanse innan diabetessjukepleie
• erfaring med avanserte insulinpumper og sensorteknologi
• god digital kompetanse og evne til å setje seg raskt inn i nye system
• meistrar norsk skriftleg og munnleg godt 
• ha god kommunikasjonsevne
  

Det er i tillegg ein fordel med:

• erfaring frå spesialisthelsetenesta
• erfaring med anbodsprosessar, avtaleoppfølging eller liknande arbeid

Personlege eigenskapar

• arbeider strukturert og systematisk
• har høg gjennomføringsevne og evnar å følgje opp oppgåver over tid
• trivst i eit fagfelt i endring og evna å halda kunnskapen din oppdatert, i tråd med gjeldande avtaler og utviklinga på diabetesfagfeltet
• er serviceinnstilt og løysingsorientert
• trivst med å arbeide både tverrfagleg, sjølvstendig og i team
• medverkar positivt til arbeidsmiljøet

Vi tilbyr

• ei spennande stilling i eit framtidsretta fagfelt i rask utvikling
• moglegheit til å påverke og bidra i nasjonalt arbeid
• eit sterkt tverrfagleg fagmiljø
• fleksitid med kjernetid
• dagarbeid med fri i helgar
• løn etter gjeldande overeinskomst

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Irene Morild, Seksjonsleiar, 55977982, irene.morild@helse-bergen.no

Arbeidsstad

Solheimsgaten 13
5058 Bergen

Nøkkelinformasjon:

Arbeidsgivar: Helse Bergen HF

Referansenr.: 5129452820
Stillingsprosent: 100%
Fast
Søknadsfrist: 05.06.2026