Førsteamanuensis/førstelektor/høskulelektor i drama og anvendt teater

Ved Høgskulen på Vestlandet (HVL), Fakultet for lærarutdanning, kultur og idrett, Institutt for kunstfag er det ledig éi til to mellombelse stillingar i 100 % for ein toårsperiode i drama og anvendt teater

Om stillinga:

Arbeidsstaden er campus Bergen, men det kan bli aktuelt med arbeid ved campus Sogndal og Stord. Stillingane er ledige i tida 01.08.2025–30.06.2028.

Ansvars- og arbeidsområde:

Arbeidsoppgåvene vil i hovudsak vere:

• Forskingsbasert undervisning i drama og anvendt teater og rettleiing av studentar på bachelor- og masternivå
• Det er aktuelt med undervisning og rettleiing i  barnehagelærarutdanninga, grunnskulelærarutdanninga og i emner ved Etter-og videreutdanning og i dei nasjonale kompetanse- og utviklingssatsningene i barnehage og skule. 
• Institusjonsbyggjande arbeid irekna: fagadministrative oppgåver, internasjonalisering og samhandling med eksterne partnarar.
• Kontakt og samarbeid med praksisfeltet som dramapedagogikk og anvendt teater realiserer seg i.
• Aktivt bruke  digitale verktøy i arbeidskvardagen.
• Det kan bli aktuelt med noko reising i stillingen.

Kvalifikasjonar:

Kriteria for tilsetjing i stilling som førsteamanuensis/førstelektor/høgskulelektor går fram av Forskrift til universitets- og høyskoleloven 

Formell utdanning og kompetanse:

For tilsetting som førsteamanuensis må søkar ha avlagt doktorgrad i drama eller anna fagfelt med relevans for stillingsprofilen, for eksempel innanfor estetiske fag/kunstfag eller utdanning. 

For tilsetting som førstelektor må søkjar ha førstekompetanse i samsvar med forskrifta og med tilsvarande relevanskrav som for førsteamanuensis.

For tilsetting som høgskulelektor må søkjar ha hovudfag/mastergrad innan relevant fagområde med gode resultat, normalt A eller B på masteroppgåva, samt relevant yrkes- og undervisningserfaring.  

Språkkrav:

Undervisningsspråket er norsk, og søkjarar må meistre undervisning på engelsk.

Personlege eigenskapar:

Den som blir tilsett må ha gode samarbeids- og formidlingsevner, men òg evne til å arbeide sjølvstendig, ta initiativ og vere fleksibel. Høgt etisk medvit i møte med studentar er påkravd. 

Den som blir tilsett må vere personleg egna for stillinga.

Følgande tel positivt i vurderinga:

• Relevant erfaring frå barnehage, grunnskule, vidaregåande opplæring og/eller høgare utdanning.
• Kontakt og samarbeid med praksisfeltet som dramapedagogikk og anvendt teater realiserer seg i.
• Kunstnarleg verksemd.
• Internasjonal erfaring.

Aktuelle kandidatar vil bli invitert til prøveforelesing og intervju.

Korleis søke på stillinga?

Send søknad og CV ved å klikke på knappen merka ”Søk stillinga” på denne sida.

Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:

• vitskapleg arbeid (inntil 5 stk)
• fullstendig publikasjonsliste
• attestar og vitnemål
• dokumentasjon på utdanningsfagleg kompetanse. For førsteamanuensis skal utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kvalifikasjonskrav til utdanningsfaglig basiskompetanse for ansettelse, opprykk og overgang ved HVL - Høgskulen på Vestlandet. 

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsetjingar. Om vedlegga er større enn 50 MB må dei komprimerast før opplasting, eller leggjast ved som lenkje. 

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadane blir sendt elektronisk til eit sakkunnig utval. På bakgrunn av utvalet si vurdering vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen. 

Vi tilbyr:

Gode pensjons-, forsikrings-, og låneordningar i Statens pensjonskasse

Spanande fagmiljø med moglegheiter for kompetanseheving- og utvikling

Moglegheit for trening i arbeidstida

Stillinga er løna etter Statens lønsregulativ, i stillingskode 1011/1198/1008 - førsteamanunensis/førstelektor/høgskulelektor.

Frå løna blir det trekt 2 % innskot til Statens pensjonskasse.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogelg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetjing, og å rekruttere personar med minoritetsbakgrunn, nedsett funksjonsevne og hol i CV.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Høgskulen på Vestlandet er underlagt ekportkontrollforskriften. Forskriften kan komme til anvending i behandlingen av søknadane.

Kontaktperson ved Høgskulen på Vestlandet:

1) InstituttleiarHege Gjerde Sviggum, tlf. 57 67 60 56, Hege.Gjerde.Sviggum@hvl.no

Inkludere, utfordre og samhandle

Les meir på våre heimesider.