Rådgjevar landbruk

Det er ledig 80 – 100 % stilling som rådgjevar med oppgåver som i hovudsak vil vera knytt til landbruksnæringa i Luster kommune. Arbeid med forvaltningssaker, søknads-/tilskotsordningar og utviklingsoppgåver er sentrale i stillinga.
Om lag 20% av stillinga er knytt til kommunen sitt arbeid med kulturminnevern.

Stillinga inngår i avdeling for næring og natur i stabseininga for forvaltning og utvikling i kommunen. Organisering og oppgåver kan bli endra som følgje av utviklingsarbeid.

Luster kommune er ein stor landbrukskommune med gode tilhøve for hagebruk, husdyrnæringane, skog og utmarksnæring. Landbruksnæringa er i endring og utvikling som vil få utfordrande oppgåver som skal handsamast og forvaltast dei neste åra. Kommunen vil aktivt delta i dette arbeidet med satsing på landbruksnæringa. Luster er også ein rik kulturkommune, med mange kulturminne, der mange av dei synlege kulturminna er knytt til kulturlandskap og landbruksnæringa.

• Har god kjennskap til fagområdet og evne til å bidra til god fagleg kvalitet i kommunal forvaltning.                                                                                                            
• Har erfaring frå landbruksforvaltning og/eller landbruksorganisasjon.                                   
• Har relevant høgare landbruksfagleg utdanning, og relevant arbeidserfaring.   
• Har interesse for arbeid med kulturminne og tilhøyrande plan- og forvaltningsoppgåver                                                                                      
• Har kjennskap til og kan bruke relevant lovverk, forskrifter, nasjonale føringar og retningslinjer, m.m.
• Har erfaring frå og interesse for prosessar og prosessleiing i plan og utviklingsarbeid og/eller prosjektleiing.                                                                                                                   
• Er utadvendt, har gode samarbeidsevner og er flink til å kommunisere skriftleg og munnleg både med næringsdrivande innan landbruksnæringa, fagfolk/fagmiljø i kommunen og overordna/sidestilt mynde. Personlege eigenskapar vil bli lagt stor vekt på.

• Spanande og varierte arbeidsoppgåver.
• Eit positivt arbeidsmiljø med god kompetanse.
• Moglegheit til å påverka eigen arbeidsdag, fleksibel arbeidstid.
• Moglegheit til utvikling av eigen kompetanse.

• Arbeid i ein veldriven kommune med gode og sikre rammevilkår.
• Eit godt og stabilt arbeidsmiljø med høg fagkompetanse.
• Gode moglegheiter for fagleg utvikling.
• Kommunale tilsetjingsvilkår med gode pensjons- og forsikringsordningar.
• Løn etter gjeldande tariff og avtaleverk.

• Administrasjonsmålet i kommunen er nynorsk.
• Alle faste nytilsetjingar vert gjort med ei prøvetid på 6 månader.
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
• Søknadar må leverast innan fristen og må sendast inn via rekrutteringssystemet vårt EasyCruit.