Stord vidaregåande skule er ein kombinert skule med studieførebuande og yrkesfagleg utdanning. Skulen ligg sentralt i regionssenteret Leirvik. Totalt har skulen om lag 850 elevar, fordelt på utdanningsprogramma Idrett, Medium og kommunikasjon, Musikk, dans og drama, Studiespesialisering, Bygg- og anleggsteknikk, Elektro og datateknologi, Teknologi- og industrifag, Sal, service og reiseliv, samt Informasjonsteknologi og medieproduksjon. Skulen tilbyr også opplæring for vaksne og me har kursverksemd i forskjellige fag.

Stord vidaregåande skule skal i løpet av hausten 2025 ta i bruk nye og moderne skulebygningar. Skulen har høge ambisjonar for elevane si læring og eit engasjert personale arbeider for å skapa eit trygt læringsmiljø. Skulen legg vekt på samarbeid med lokalmiljø, arbeidsliv og grunnskular. Me er knutepunktskule for spesialundervisning i Sunnhordland og tilbyr undervisning i tilrettelagte grupper.

Skulen treng tilkallingsvikarar på følgjande fagområde:

 

Informasjonsteknologi og medieproduksjon

Er du en dyktig og engasjert person med kompetanse innan informasjonsteknologi og medieproduksjon? Stord vidaregåande skule søkjer etter tilkallingsvikarar. Me ser både etter deg som står i arbeid no, men har ledig kapasitet, og pensjonistar eller studentar. Behovet varierer, men arbeidet vil handla om å bidra til progresjon i faget ved fråvær.

Framandspråk:

Det er behov for tilkallingsvikarar i faga spansk og tysk. Kan du undervisa i desse faga og har ledig kapasitet, høyrer me gjerne i frå deg. Me ser både etter deg som står i arbeid no, men har ledig kapasitet, og pensjonistar eller studentar. Behovet varierer, men arbeidet vil handla om å bidra til progresjon i faget ved fråvær.

Arbeidsoppgåver

• Samarbeid med andre i dei aktuelle fagfelta
• Bidra til fagleg progresjon når faglærar er vekke

Kvalifikasjonar

• Til alle undervisningsstillingar er det krav om relevant fagleg og pedagogisk kompetanse
• Undervisningskompetanse innan aktuelt fagområde
• Den som skal tilsetjast i vidaregåande skule må leggja fram godkjent politiattest
• Alle nytilsetjingar i Vestland fylkeskommune blir gjort med ei prøvetid på 6 månader

Personlege eigenskapar

• Interesse for ungdom og evne til å skapa gode relasjonar
• Evne til å engasjera elevar i læringsaktivitetar og skapa relevans i opplæringa
• Gode samarbeidsevner

Vi tilbyr

• Lønn og lønnsutvikling i tråd med Vestland fylkeskommune sin lønnspolitikk 
• Gode pensjons- og låneordningar i Statens pensjonskasse
• Godt fagmiljø
  

Kontaktinformasjon

Dan Harald Torbjørnsen, Avdelingsleiar IM/SSR/VO, 47010239
Arild Ingvaldsen, avdelingsleiar Studieførebuande/SSØ/ME, 97540187

Arbeidsstad

Saghaugen 3
5411 Stord

Nøkkelinformasjon:

Arbeidsgivar: Vestland fylkeskommune

Referansenr.: 4873197510
Stillingsprosent: 0%
Anna
Startdato: 01.11.2024
Sluttdato: 31.07.2025
Søknadsfrist: 07.11.2024