Langtidsvikariat Driftsoperatør Barstadvik

Om AquaGen

AquaGen AS er et forskningsorientert avlsselskap som utvikler, fremstiller og leverer genetisk materiale og befruktet rogn til den globale akvakulturnæringen. Selskapet har hovedkontor i Trondheim, og har spesialisert seg på å produsere avlsbasert rogn til mange av verdens største oppdrettsselskaper. Som en del av dette produserer AquaGen stamfisk både i sjø og på land. Med vitenskap, helse, bærekraft og fremtid som drivkraft forvalter vi verdens mest foredlede avlsmateriale på atlantisk laks, regnbueørret og stillehavslaks. AquaGen-konsernet har over 300 ansatte fordelt på lokasjonene Trondheim, Heim, Tingvoll, Ørsta, Steigen, Ås, Danmark, Skottland og Chile. Konsernet omsetter årlig for om lag 1,5 milliard kroner. 

 

Vil du jobbe ved eit av Noregs mest moderne og biosikre anlegg for stamfiskproduksjon?   

AquaGen sitt anlegg i Barstadvik er eit nytt fullsyklusanlegg for stamfisk- og rognproduksjon. Det vil seie at fisken går gjennom heile livssyklusen sin i anlegget – frå rogn til rogn. Herifrå kan vi levere mellom 80 og 100 millionar lakserogn til heile verda kvart år. 

I Barstadvik utnyttar vi dei geologiske særtrekka i det fjellrike området, med avsetningar av silt, sand og grus som har bygd seg opp etter siste istid. Slik har vi tilgang til både marint og ferskt, naturleg reint grunnvatn som vi hentar opp frå djupe brønnar. Dette gir anlegget høg biotryggleik og ein unik moglegheit til å levere dokumentert patogenfri rogn til norske og internasjonale kundar. Landbasert produksjon gir full kontroll på miljøtilhøva og sikrar rogn til kundar gjennom heile året. 

Ved anlegget har vi no behov for ein driftsoperatør i 100 % vikariat. Vikariatet har ein antatt varigheit til 31.08.2027, men det kan bli moglegheit for forlenging. 

Tiltreding ønskjast snarast mogleg. 

Kven er du og kvifor er rolla di viktig for oss? 

Stillinga skal dekkje behov for dagleg drift i avdelingane rogn, påvekst og stamfisk, og i operasjonar som krev fleire ressursar. For å lukkast i rolla som driftsoperatør meiner vi det er nyttig med erfaring frå havbruksnæringa, spesielt frå settefisk, smolt, stamfisk, rogn eller liknande, men anna produksjonserfaring kan også vere relevant. Har du teknisk bakgrunn og er interessert i å setje deg inn i ei ny næring, ser vi og gjerne at du søkjer. 

Typiske oppgåver: 

• sjølvstendig gjennomføring av alle grunnleggande arbeidsoperasjonar på si avdeling i samsvar med prosedyrar og opplæring  
• sjølvstendig halde seg oppdatert på prosedyrar og arbeidsoperasjonar på si avdeling  
• legge inn daglege registreringar i produksjonsstyringsverktøy   
• melde avvik inn i avvikssystemet vårt 
• sjølvstendig planlegge og gjennomføre rutinearbeid på si avdeling  
• planlegge og leie arbeidsoperasjonar der fleire røktarar deltek  
• bidra på andre avdelingar ved behov  
• halde orden og ryddigheit på avdeling og utstyr  
• bidra til utvikling av fagleg arbeid, effektivitet og sosialt samhald på si avdeling og heile anlegget 

Vi ser spesielt etter deg som 

• beherskar norsk godt, både munnleg og skriftleg  
• har generelt gode IT-ferdigheiter 
• har generell kunnskap om biologi (det vert gitt opplæring)
• innehar tekniske ferdigheiter (ingen krav) 

Kven er du? 

Vi ser etter deg som har handlekraft, engasjement for oppgåvene, praktisk sans og ei løysingsorientert haldning. Vidare er det fint om du set pris på å jobbe saman med andre, men og evnar å jobbe sjølvstendig og ta ansvar. Det er ein fordel om du har kunnskap om fiskevelferd, men dette kan og byggjast opp gjennom opplæring og praksis i stillinga. Du vil passe godt i rolla om du i tillegg er ryddig og punktleg. 

Vi tilbyr deg 

• ei viktig stilling i eit verdidrive, positivt og tverrfagleg arbeidsmiljø med høg kompetanse  
• eit uformelt og godt arbeidsmiljø 
• ein  vikarjobb i ei framtidsretta næring i sterk vekst  
• konkurransedyktige vilkår 
• gode kollektive forsikrings- og pensjonsordningar 

Vi har hovudkontor i Trondheim og avdelingar i Trondheim, Heim, Tingvoll, Ørsta, Steigen, Ås, Danmark, Skottland og Chile. 

Les meir om oss på www.aquagen.no  

Arbeidsstad: AquaGens anlegg i Barstadvik i Ørsta kommune 

Stillingstype: 100 % vikariat 

Tiltreding: Snarleg  

Søknadsfrist: 18.12.2025 

For meir informasjon om stillinga, kontakt Produksjonsleiar Frode Sætre

I AquaGen er vi forretningsorientert, sammen om oppgaven, ærlig og ansvarlig, kompetente og nytenkende og forpliktet til kvalitet. Hos oss samarbeider vi tett både med hverandre og med alle enhetene som utgjør verdikjeden vår.  Det er viktig for oss at oppdraget og verdiene våre gir deg energi, mening og motivasjon i arbeidshverdagen. I fellesskap løser vi det store samfunnsoppdraget vårt; å levere friske og sterke fiskeegg til oppdrettsnæringen - slik at de kan produsere nok mat fra havet for en stadig voksende befolkning.    

Les mer om lokasjonene.