Ønsker du å vere med og vidareutvikle det spesialiserte palliative tilbodet ved Haukeland universitetssjukehus?

Vi har ledig 1 x 80% fast stilling, for tida på natt, samt 1 x 20% fast stilling på helg. Vi søker etter deg som har interesse for og erfaring med palliasjon/spesialisert palliasjon. 

Palliativt senter består av palliativ sengepost og palliativt team, og er ein del av Smerte- og palliasjonsavdelinga (SMEPA) i Kirurgisk serviceklinikk (KSK). Vi søker spesialsjukepleiar/sjukepleiar med erfaring til palliativ sengepost. 

Smerte og palliasjonsavdelinga (SMEPA) er ei avdelinga i Kirurgisk serviceklinikk (KSK). KSK er den største somatiske klinikken i føretaket med ansvar for store delar av operasjon, anestesi, intensivbehandling og akuttmedisin ved Haukeland universitetssjukehus. I KSK er det om lag 1350 årsverk. SMEPA består av tre einingar, Seksjon for smertebehandling, Kompetansesenter for lindrande behandling, Helseregion Vest og Palliativt senter.

Palliativt senter har regionfunksjon innan behandling av pasientar med behov for spesialisert palliasjon/lindrande behandling. Vårt mål er å gje best mogleg symptomlindring, pleie, omsorg og livskvalitet for pasientar med uhelbredeleg sjukdom. Behandlinga handlar om meir enn det reint medisinske. Lindring av smerter og andre symptom står sentralt, saman med tiltak retta mot psykiske, åndelege og eksistensielle behov, samt ivaretaking av pårørande. Senteret legg stor vekt på tverrfagleg samarbeid, og du som tilsett vil mellom anna jobbe tett med legar, psykologar, prestetenesta, musikkterapeut, sosionomar, ergoterapeut og fysioterapeutar.   

Arbeidsoppgåver

• Arbeidsoppgåver er sjukepleie til palliative pasientar henvist til palliativt senter
• Hovudsakleg er arbeidsoppgåvene ved palliativ sengepost
• Her er høgspesialisert palliasjon og dei som arbeider her treng å kunne ulikt medisinsk teknisk utstyr
• Delta i det tverrfaglege samarbeidet for å gje pasientar og pårørande eit best mogleg opphald i avdelinga

Kvalifikasjonar

• Norsk autorisasjon som sjukepleiar
• Vi søker etter spesialsjukepleiar eller sjukepleiar med relevant erfaring og/eller spesialutdanning
• Erfaring frå spesialisthelsetenesta er ønskeleg
• Må meistre norsk skriftleg og munnleg

Personlege eigenskapar

• Du har interesse og motivasjon for fagfeltet og for tverrfagleg samarbeid
• Du har gode kommunikasjonsevner
• Du er ansvarsbevisst og tilpassingsdyktig
• Du har evne til å vere lydhøyr overfor pasientar og pårørande som er i ein krevande livssituasjon
• Du har evna til å jobbe sjølvstendig og på eige initiativ
• Du har god fagleg vurderingsevne, og arbeider strukturert og målretta
• Du er fleksibel og etablerer gode samarbeidsrelasjonar til alle nødvendige yrkesgrupper
• Du bidrar til eit trygt og godt arbeidsmiljø
• Du delegerer og følger opp delegerte oppgåver
  

Vi tilbyr

• Eit spennande tverrfagleg miljø med høg fagleg kompetanse
• Du får vere med å etablere og utvikle tilbodet
• Lønn i samsvar med gjeldande overeinskomst
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Monika Kvamme, Seksjonsleiar, 41869693

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4943613649
Stillingsprosent: 80%
Fast
Startdato: 01.08.2025
Søknadsfrist: 10.04.2025