Fysioterapeut

Treningspoliklinikken er ein poliklinikk tilknytta Avdeling spesialisert psykosebehandling under Psykiatrisk klinikk i Sandviken. Treningspoliklinikken tilbyr trening som behandling til menneske med psykiske lidingar som er tilknytta Psykiatrisk klinikk og/eller DPS. Det blir jobba målretta i ulike fasar, heile tida i dialog med pasient, med utgangspunkt i at pasientane skal nå tre mål under behandlinga: - Betre kondisjon - Betre eigenopplevd helse - Kome i gang med eigen varig aktivitet

Arbeidsoppgåver

Fysioterapeuten har ansvar for heile drifta av Treningspoliklinikken. I dette inngår behandling av pasientar, vurdering av tilvisingar, tverrfagleg samarbeid, pasientdialog, treningsrettleiing og pre- og retester av pasientane. Behandlinga går føre seg individuelt eller i gruppe, då treninga er tilpassa kvar enkelt og kor de er i behandlings-forløpet. Det er fokus på at kvar enkelt skal kunne danne eigne, positive erfaringar med å bruke eigen kropp og lære seg korleis dei bør tilpasse treninga til mellom anna livssituasjon. Poliklinisk arbeid er ein del av kvardagen. Dette inneber mellom anna dagleg journalføring, organisere timeavtalar, behandle tilvisingar og foreta oppgjer etter konsultasjonar. I tillegg vil dagleg drift mellom anna innebere reinhald av utstyr og passe på at nødvendig utstyr er i orden og på plass. For tida pågår det eit forskingsprosjekt med utgangspunkt i behandlinga i Treningspoliklinikken. Innhenting av data og gjennomføring av nødvendige testar vil då også vere ein del av arbeidet i Treningspoliklinikken. Fysioterapeuten skal være en del av fysioterapigruppa tilknytta Avdeling spesialisert psykosebehandling som har arbeidsoppgåver i heile Psykiatrisk klinikk. 

Kvalifikasjonar

Det er ønskjeleg at søkjar er autorisert fysioterapeut. Utover dette vil det bli lagt spesielt vekt på personleg egnethet, kvar mellom anna relevant erfaring frå og interesse for arbeid med pasientar med psykiske lidingar samt relevant erfaring frå og interesse for forsking og forbetringsarbeid med pasientar med psykiske lidingar blir vektlagt. Må meistre norsk skriftleg og munnleg svært godt.

Personlege eigenskapar

Må kunne jobbe sjølvstendig. Må kunne jobbe strukturert og ryddig. Positiv og utadvendt. Fleksibel og serviceinnstilt. Gode samarbeidsevner. Trivast med å jobbe tverrfagleg. Engasjert i arbeidet. Gode kommunikasjonsferdigheiter. Lærevillig. Like varierte arbeidsoppgåver. Stor arbeidskapasitet. Det er ein fordel å ha relevant erfaring frå å jobbe med menneske med psykiske lidingar, gjerne med bruk av fysisk aktivitet i behandlinga. Ha ein eigen interesse og erfaring frå fysisk aktivitet og gjerne ha kjennskap til metoden 4x4 intervalltrening. Det er ein fordel med å ha erfaring frå poliklinisk arbeid og kva dette inneber. God evne til omstilling. 

Vi tilbyr

• Lønn i samsvar med gjeldande overeinskomst
• Gode pensjons- og forsikringsordningar
• Eit aktivt og triveleg arbeidsmiljø

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Igne Sinkeviciute, Avdelingssjef, 55958580

Arbeidsstad

Sandviksleitet 1
5036 Bergen

Nøkkelinformasjon:

Arbeidsgivar: Helse Bergen HF

Referansenr.: 5099543178
Stillingsprosent: 100%
Vikariat
Startdato: 11.05.2026
Sluttdato: 07.03.2027
Søknadsfrist: 08.04.2026