Helsefagarbeider 80-100% vikariat

Vil du vere med på laget? Vi søker deg som er lagspelar og fagleg dyktig! 

Ved Bukollektiva, Molværsvegen 15/17/19 har vi ledig vikariat i 80% stilling for helsefagarbeidar i samband med tilsett som skal ha foreldrepermisjon. Arbeid i 2-delt turnus med arbeid kvar 3. helg. Om ønskeleg kan stillinga justerast til 100%.

Tiltredelse 1. april eller anna dato etter avtale. Varighet til 1. februar 2026 med moglegheit for forlenging. 
Søknadsfrist 5. februar 2025. 

I Bukollektiva arbeider vi for å skape tryggleik for bebuarar og pårørande, gi omsorg og skape gode rammer basert på faglege vurderingar. Vi arbeider aktivt for å skape gode arbeidsmiljø og har fagleg fokus.
Molværsvegen 15/17/19 er bukollektiv med heildøgns omsorg for personer med sjukdomen demens. Avdelingane er adskilte, men har felles leiing og det er nært samarbeid både fagleg og sosialt.

                      Ønsker du å arbeide med denne bebuargruppa og vil vere med på utvikling av tenesta er du velkomen som søkar!

Arbeidsoppgåver

• Målretta og planbasert arbeid for å gi bebuarar eit tilpassa tilbod i rolege og trygge omgjevnader samt fokus på ivaretakelse av eigne ressursar.  
• Praktisk hjelp  
• Primærpleie  
• Miljøretta oppgåver/aktivisering med t.d. musikk, tur el.l.  
• Medisinhandtering  
• Nært samarbeid med pårørande

Kvalifikasjonar

• Autorisert helsefagarbeidar 
• Vidareutdanning og/eller erfaring med sjukdomen demens kan vere ein fordel 
• Gode munnlege og skriftlege norsk-kunnskaper er ein føresetnad 
• Gode datakunnskaper 
• Erfaring med Helseplattformen kan vere ein fordel, men ikkje eit krav

Personlege eigenskapar

Vi søker ein positiv og løysningsorientert kollega som er engasjert, kunnskapsrik og som vil vere med å bidra til eit godt miljø for bebuarar og kollegaer. Du har ei genuin interesse for eldreomsorg og ønsker å vere ein aktiv bidragsyter for å gjere kvar dag best mogleg for bebuarar og pårørande. Du trivast med varierte og utfordrande arbeidsdager og evner å arbeide strukturert samstundes som du er fleksibel. Du er god på kommunikasjon og samspel med både kollegaer og tenestemottakarar. 

Du må vere ein lagspelar og samstundes kunne arbeide sjølvstendig.

Personlege eigenskaper vert vektlagt.

Vi tilbyr

• Inkludering ei eit godt arbeidsmiljø og gode kollegaer 
• God opplæring og nærleiing  
• Fokus på god eldreomsorg og fagleg utvikling 
• Tilbod om deltaking i refleksjonsgrupper 
• Varierte og utfordrande arbeidsoppgåver 
• Gratis parkering 
• Tillegg for relevant vidareutdanning

Kontaktinformasjon

Catharina Klokk Eide, Avdelingsleiar Molværsvegen 15/17/19, 48074239, catharina.klokk.eide@sula.kommune.no
Cecilie Ørjasæter, Einingsleiar, 91596764, cecilie.orjasaeter@sula.kommune.no

Arbeidsstad

Molværsvegen 19
6030 Langevåg

Nøkkelinformasjon:

Arbeidsgivar: Sula kommune

Referansenr.: 4911110172
Stillingsprosent: 80%
Vikar
Startdato: 01.04.2025
Sluttdato: 01.02.2026
Søknadsfrist: 05.02.2025