Vikariat som Fagkonsulent/ vernepleiar med vidareutdanning eller erfaring

1 års vikariat i spennande fagstilling i Habiliteringsavdelinga for vaksne (HAVO). 

Habiliteringsavdelinga for vaksne (HAVO) er ein del av ReHabiliteringsklinikken, som også inneheld Avdeling for fysikalsk medisin og rehabilitering (AFMR) og Regionalt kompetansesenter for habilitering og rehabilitering

HAVO sine tenester er retta mot vaksne personar med medfødd eller tidleg erverva funksjonsnedsetting. Fagfeltet er interessant, variert og grensar opp mot ulike andre spesialitetar. I pasientoppfølginga inngår ofte samarbeid med kommunale instansar, pårørande, psykisk helsevern og andre einingar i spesialisthelsetenesta. Hovudoppgåvene for HAVO er utgreiing, rettleiing og behandling, samt vurdering og rådgiving i samband med Helse- og omsorgstenestelova Kap. 9. 

Oppgåvene for denne stillinga som fagkonsulent er spesielt retta mot personar med utviklingshemming, åtferd som utfordrar, samtidig psykiske helseutfordringar, autismespekterforstyrringar eller andre tilleggsvanskar. Problemstillingane er komplekse og samansette, og i mange saker krevast tverrfaleg oppfølging saman med psykolog og overlege. 

Vi søker etter vernepleiar, eller fagperson med anna relevant bachelorutdanning, med vidareutdanning i fagområda åtferd som utfordrar og/eller psykisk helse. Vi ønsker ein fagperson som har brei erfaring frå målgruppa og som har eit engasjement for å utvikle kompetansen i HAVO på dette området. 

HAVO er samansett av følgande yrkesgrupper: Overlegar, psykologar, vernepleiarar, ergoterapeutar, pedagogar, fysioterapeut og sekretærar. Vernepleiarane er den største yrkesgruppa i teamet. Arbeidsforma er i hovudsak ambulant for fagkonsulentane, i noko grad også poliklinisk. Vi nyttar eigne tenestebilar.

Avdelinga er lokalisert i Olav Bjordals veg 29, 5111 Breistein.
Stillinga er ledig frå 01.11.25 til 31.10.26

Les meir om oss  

Arbeidsoppgåver

• Utgreiing og rettleiing knytta til ulike åtferdsutfordringar
• Rettleiing i miljøterapeutiske tiltak
• Bidra i vidareutvikling av fagområde
• Behandlingsplanar 
• Bidra til gode løysingar i komplekse pasientsaker, i samarbeid med fleire eksterne instansar
• Samarbeide med psykolog og legar i komplekse sakar
• Bistand til kommunar ved utarbeiding av tiltak etter Helse- og omsorgstenestelova Kap. 9
• Kurs- og undervisingsoppgåver

Kvalifikasjonar

• Solid erfaring frå klinisk arbeid med målgruppa: Utviklingshemming, atferds som utfordrar, psykisk helse, autismespekterforstyrringar og andre tilleggsvanskar
• Erfaring frå arbeid med komplekse problem
• Kompetanse på kartlegging og tiltak ved utfordrande åtferd
• God kunnskap om Helse- og omsorgstenestelova Kap 9
• Relevant vidareutdanning 
• Erfaring med rettleiing i direkte og indirekte miljøterapeutiske tiltak
• Må meistre norsk munnleg og skriftleg
• Førarkort kl. B
• Norsk autorisasjon

Personlege eigenskapar

• Gode samarbeids- og kommunikasjonsevner
• Kunne arbeide målretta og sjølvstendig
• Fagleg engasjement
• God munnleg og skriftleg framstillingsevne
• Vere ein god teamarbeidar

Vi tilbyr

• Varierte og spennande oppgåver
• Tverrfagleg samarbeid, internt og med andre deler av spesialisthelsetenesta
• Fagutvikling
• Mentordning
• Triveleg arbeidsmiljø
• Fleksitidsavtale /dagtid
• Gode parkeringsforhold

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Beate Kristin Lilleheil, Seksjonsleiar, 95197626

Arbeidsstad

Olav Bjordals veg 29
5111 BREISTEIN

Nøkkelinformasjon:

Arbeidsgivar: Helse Bergen HF

Referansenr.: 4980108112
Stillingsprosent: 100%
Vikariat
Startdato: 01.11.2025
Sluttdato: 31.10.2026
Søknadsfrist: 15.06.2025