ID 1973 Fagkoordinator/Vernepleiar - Eining for habilitering

Avdeling Husahaugen gjev teneste i bufellesskap og i miljøgruppe. Bufellesskapet har 9 bustadar der det vert gitt heildøgns omsorg til dei bebuarane som har behov for det. Det er tilknytt eigen personalbase. Bustadane er kommunalt eigd, og bebuarane leiger hos Stord kommune.

I tillegg til bustadane er ei miljøgruppe knutt til avdelinga. Miljøgruppa gjev tenester til vaksne med utviklingshemming som bur i husvære som ikkje er knytt til bufellesskap. Me er organisert i Eining for Habilitering, som har hovudkontor i SKE bygget på Leirvik. Me er ei mangfaldig personalgruppe som trivst godt i saman.

Det er ledig 100% fast stilling som fagkoordinator frå snarast. Stillinga har turnus med dag og kveldsvakter, og langvakter kvar fjerde helg.

Me ynskjer medarbeidarar som kan jobba sjølvstendig og i team, har arbeidsglede, likar utfordringar og har evne til å vera løysingsorientert. Du er fagleg trygg og kan ta ansvar i avdelinga. Du har godt humør og evne til å motivera og engasjera, og du har gode samarbeidsevner. Du er positiv, initiativrik og strukturert.

Personlege eigenskapar vil bli vektlagt ved tilsetting.

Fagkoordinator har ansvar for:

• At brukar får eit koordinert og heilskapleg tenestetilbod -- i høve funksjonsnivå, individuelle vedtak og gjeldande lovverk
• Kartlegga behov og utarbeida faglege mål
• Oversikt over mål, oppgåver, aktivitetar og organisering i eininga/avdelinga
• Tydeleggjera ansvarsforhold for samarbeidspartnarar og medarbeidarar og sikra god samhandling
• Medverka til å avklara forventningar i høve arbeidsoppgåver
• Halda fokus på mål og evaluera desse
• Halda seg oppdatert på gjeldande lovverk og avtalar
• Delta på ansvarsgruppemøter/samarbeidsmøter der det er aktuelt
• Samarbeida med vernepleiar/sjukepleiar/miljøterapeut kring miljøterapeutisk arbeid
• Samarbeida med avdelingsleiar kring faglege utfordringar
• Avdelingsleiar kan delegere andre oppgåver

Kvalifikasjonskrav:

• Norsk autorisasjon som vernepleiar.
• Gode norskkunnskapar både munnleg og skriftleg.
• Ved tilsetjing vil det bli stilt krav om at ein legg fram politiattest av ny dato

Me kan tilby:

• Varierte arbeidsoppgåver i eit tverrfagleg fagmiljø
• Godt arbeidsmiljø
• Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
• Løns- og arbeidsvilkår i samsvar med kommunalt avtaleverk

Offentlig tenestepensjon i KLP - Kort fortalt

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

Kontaktpersonar:

Avdelingsleiar Caroline Groa Tisell, tlf 932 66 980 eller einingsleiar Esther Aasen Bjelland, tlf 97552097.