Vil du jobbe på verdas beste landbrukskontor? Vi har ledig stilling som Rådgjevar - landbruk
Landbrukskontoret, Gloppen kommune
6823 Sandane
Om jobben
Stillingstittel
Rådgjevar - landbruk
Type ansettelse
Fast, heltid 100%
Arbeidstid
Dagtid
Arbeidsspråk
Norsk
Antall stillinger
1
Gloppen kommune har ledig fast stilling som rådgjevar på landbrukskontoret.
Kommunen har eit godt fungerande landbrukskontor med tilsette som har høg og brei fagleg kompetanse. Vi er vertskommune for felles landbrukskontor for Gloppen og Stad. Det interkommunale samarbeidet gjev oss eit stort fagmiljø med rom for fagleg utvikling.
Arbeidsoppgåver
- Kontakt og rettleiing av bønder/grunneigarar
- Tverrfagleg samhandling med andre fagområde og samarbeidspartar lokalt og regionalt
- Rådgjeving, saksbehandling og kontroll innan tilskotsforvaltning
- Næringsutvikling innan tradisjonelt landbruk og tilleggsnæringar
- Miljøforvaltning, forvaltning av kulturlandskap og naturmangfald
- Landbruksfagleg innspel i planprosessar og byggesak
- Oppdatering av arealressurskart (AR5)
- Utarbeide planar innan fagfeltet, til dømes SMIL-strategi
- Andre oppgåver kan bli lagt til stillinga
Kvalifikasjonar
- Relevant utdanning innan jordbruk/husdyrbruk, minimum treårig utdanning frå høgskule eller universitet med relevant fagkrets. Lang relevant praksis kan kompensere for krav til formell utdanning
- God munnleg og skriftleg framstillingsevne, på norsk
- Digital kompetanse, både IKT og GIS
- Gode kunnskapar om landbruk både praktisk og teoretisk
- Erfaring med søknadsbehandling og rådgjeving innan jordbruk
- Erfaring frå offentleg forvaltning er ein fordel
- Interesse for og vilje til å setja deg inn i og læra nye fagfelt
- Førarkort klasse B, og disponerer bil
Personlege eigenskapar
Vi legg vekt på at du
- har interesse og engasjement innanfor fagområdet
- tar ansvar og kan jobbe sjølvstendig
- trivest i kontakt med bønder, grunneigarar og andre aktørar
- har godt humør og ynskjer å bidra til eit godt arbeidsmiljø
- er positiv, sjølvstendig og har gode kommunikasjons- og samarbeidsevner
- er fleksibel, tydeleg løysingsorientert
- er engasjert og tek initiativ
Vi tilbyr
- Fleksibel og variert arbeidskvardag
- Godt arbeidsmiljø og trivelege kollegaer
- Løn etter avtale basert på utdanning og erfaring
- God pensjonsordning i KLP
Kontaktinformasjon
Trine Alme, Tenesteleiar landbruk, +47 979 91 048
Arbeidsstad
Nøkkelinformasjon:
Arbeidsgivar: Gloppen kommune
Referansenr.: 4833618542
Stillingsprosent: 100%
Fast
Søknadsfrist: 21.08.2024
Om bedriften
Gloppen kommune, med Sandane som kommunesenter, har om lag 5.800 innbyggjarar og er ein del av Nordfjord sin felles bu- og arbeidsmarknad på 40 – 50.000 menneske. Flyplassen i Nordfjord - Sandane lufthamn - ligg i Gloppen, og vi har gode kommunikasjonar til resten av fylket og landet.
Kommunen har eit stort og aktivt miljø innan musikk, idrett og kultur, og kommunen har vore kåra som både årets kulturkommune og årets musikkommune. Vi har flott natur og det er godt tilrettelagt for friluftsliv sommar som vinter. Vi har symjehall, idrettshall, kino og konsertsal. Fine forhold for stisykling. Her er alpinsenter og fleire langrennsløyper.
Gloppen har gode barnehagar og skular, og gode offentlege tenester. Kommunen har i tillegg til grunnskule og kulturskule også folkehøgskule og vidaregåande skule. Næringslivet i kommunen er variert og prega av optimisme.
Sektor
Offentlig
Nettsted
Annonsedata
Rapporter annonse- Stillingsnummer
2690511
- Hentet fra
talentech
- Referanse
ae89de04fe524957b0e15e5e6e1c4e46