Vil du vere med å sette retning for bibliotekutviklinga i Møre og Romsdal? Brenn du for kulturfeltet og har lyst på spennande arbeidsoppgåver og nye utfordringar?
Møre og Romsdal fylkeskommune er pådrivar for den regionale bibliotekutviklinga ut i mot dei 27 kommunane i fylket og oppfølging av skolebiblioteka i vidaregåande skole. Vår portefølje spenner frå leselystsatsing til felles digital infrastruktur for folkebiblioteka, seniorgaming og skaparverkstad i bibliotek. Våre mål og prioriteringar blir gjort i samråd med biblioteksjefane i fylket, og samarbeid regionalt og nasjonalt er blant våre viktigaste verktøy.

Dei viktigaste satsingsområda vil vere:

Aktiv formidling, leselyst og formidlingskompetanse i folkebibliotek
Biblioteket som kunnskapsaktør
Demokrati og ytringsfriheit
Digital infrastruktur
Samskaping og samarbeid for å utvikle tenestetilbodet

Fylkeskommunen skal ivareta regionale bibliotekoppgåver og regional bibliotekutvikling, som å gi råd til lokale myndigheter, yte bibliotekfaglig veiledning og assistanse, og arrangere møter og kurs om bibliotekspørsmål. Vi er organiserte i eit fagteam for regional bibliotekutvikling, i kulturavdelinga, seksjon for kultur og folkehelse. Arbeidet er i stor grad prosjektbasert, med høge krav til arbeidsmetodikk og gjennomføringsevne.   
Vi søker ein medarbeider med høg bibliotekfagleg integritet, med ei klar forståing av folkebiblioteka sitt oppdrag og stor interesse for utvikling av feltet.

 Møre og Romsdal fylkeskommune har arbeidslokalar både i Kristiansund, Molde og i Ålesund. Arbeidsstad for denne stillinga er fortrinnsvis Ålesund. 

Arbeidsoppgåver

Hovedoppgåvene vil vere rådgivings- og utviklingsoppgåver for bibliotekfeltet.

Den som blir tilsett skal legge til rette for kompetanseheving, kunnskapsoverføring og god informasjonsflyt. Rådgivaren skal jobbe på tvers av fagfelt og legge til rette for prosjekt i samhandling med biblioteka i fylket, og samarbeide med skolebiblioteka i VGS.
Vedkomande skal også veilede om og følge opp bibliotekstatistikk.

For å trivast hos oss må du vere lærevillig og førebudd på endra arbeidsoppgåver undervegs, ut frå behov for omprioriteringar som oppstår både i biblioteka og i kulturavdelinga.

Du får jobbe med å:

• rådgi, veilede og vere pådrivar for utvikling av bibliotekfeltet
• leie prosjekt og delta i relevante prosjekt, inkludert utforming av prosjektsøknadar, marknadsføring (mot biblioteka og publikum) oppfølging av prosjekt i
  biblioteka, rapportering mm.
• sette opp og administrere kurs og andre kompetansehevende tiltak retta mot biblioteka
• ta initiativ til samhandling med andre sektorar internt, eksternt og nasjonalt
• utarbeide kunnskapsgrunnlag og delta i planarbeid
• arrangere faglege konferanser og samlingar, halde faglege innlegg og foredrag
• samarbeide med folkebiblioteka i kommunane og biblioteka i vidaregåande skole
• behandle søknader om tilskot
  

Arbeidsoppgåver blir løpande fordelt i teamet, basert på kapasitet og kompetanse

Kvalifikasjonar

Vi søker deg som har

• høgare utdanning innanfor bibliotekfag, minimum bachelornivå
• søkarar med annan relevant utdanning kombinert med erfaring frå biblioteksektoren kan bli vurdert
  
  

Det er ønskeleg med 

• erfaring frå bibliotek
• erfaring frå prosjekt-, formidlings- og utviklingsarbeid
• god digital kompetanse
• god munnleg og skriftleg framstillingsevne
• kjennskap til excel
• innsikt i offentleg forvaltning og kjennskap til planprosessar
• førarkort klasse B

Personlege eigenskapar

• fleksibel
• løysingsorientert
• evne til å prioritere
• evne til samarbeid 
• gjennomføringsevne
  

Vi tilbyr

• ei utfordrande stilling med varierte arbeidsoppgåver
• eit spennande arbeidsmiljø med kolleger med eit mangfald av utdanning og kompetanse innan kunst og kultur
• god tilgang til fagleg nettverk og fagleg utvikling
• offentleg pensjonsordning og gode forsikringsvilkår (medlemskap i KLP)
• lønn etter avtale

Kontaktinformasjon

Ragnhild Holsvik, Seksjonsleder, 41629185, ragnhild.holsvik@mrfylke.no

Arbeidsstad

Borgundvegen 340
6009 Ålesund

Nøkkelinformasjon:

Arbeidsgivar: Møre og Romsdal fylkeskommune

Referansenr.: 4930366494
Stillingsprosent: 100%
Fast
Søknadsfrist: 19.05.2025