Kontorkonsulent og driftsansvarleg ved Nordsjøfartmuseet

Om stillinga

Nordsjøfartmuseet i Telavåg vart opna i 1998. Hovudtema ved museet er Telavågtragedien, Nordsjøfarten 1940-45 og krig-fredproblematikk. 

Den illegale Nordsjøfarten var ei livline mellom Noreg og Storbritannia under 2. verdskrigen.  I 1942 vart Telavåg åstad for ein av dei verste represaliane i Norge, då Gestapo gjekk til aksjon mot bygda. 

 

Museet har fleire faste og temporære utstillingar, butikk, kafé og film.

Vi søkjer ein person som har stort engasjement for museum, er dyktig på service og administrasjon, og som kan administrere den daglege drifta. Kontoret ved Nordsjøfartmuseet er ope måndag-fredag heile året. Stillinga er fast. 

Arbeidsoppgåver

Utadretta verkemd:

Mottak av førespurnader om besøk til museet og kontakt med turoperatørar

Ansvar for kontor og vedlikehald:

• Kontorhald
• Besøksrapportering
• Budsjettering, rekneskap, rapportering og sekretærfunksjon
• Fakturarapportering og fakturainnsending 
• Bank- og forsikringskontakt
• Følgje opp vedlikehald av bygg og eigedom

Museumssamlingane:

• Delta i arbeidet med dokumentasjon og bevaring av  museumssamlinga
• Ansvar for reinhald og orden i areal med museumssamlingar

Felles for Museum Vest:

• Ansvar for journalføring og arkivering i P360
• Brukarstøtte og opplæring knytt til arkivering og bruk av sakshandsamingssystemet Public 360 

Kvalifikasjonskrav og personlege eigenskapar 

• Utdanning innan administrative fag i form av fagbrev eller høgare utdanning
• Minimum 2 års relevant erfaring. Lang og relevant erfaring kan kompensere for manglande formell utdanning
• Serviceinnstilt, tar initiativ, glad i menneske 
• Ansvarsmedviten, ryddig, fleksibel 
• Gode samarbeidsevner som skaper trivsel og resultat 
• Flytande norsk og engelsk, skriftleg og munnleg. Nynorsk er målforma ved Nordsjøfartmuseet 
• Erfaring med journalføring og arkivering i Public 360 eller liknande system
• Gode datakunnskapar er ønskjeleg

Vi tilbyr

• Eit godt og inkluderande arbeidsmiljø 
• Varierte arbeidsoppgåver
• Lønn iht. Landsoverenskomsten for museer og andre kulturinstitusjoner
• Pensjonsavtale i KLP 

Spørsmål om stillinga

Ønskjer du meir informasjon om stillinga, ta kontakt med leiar ved Nordsjøfartmuseet,

Jenny Heggvik, tlf. 928 22 504.