Geoteknikar

Vestland fylkeskommune er ein av dei største arbeidsstadene i fylket, med over 6000 tilsette. Me har ansvaret for 5547 km med fylkesveg, 278 tunnelar, 1988 bruer, 30 ferjesamband. Årlig jobbar me med fleire hundre spennande vegprosjekt og er Noregs tredje største byggherre innan samferdsel.

Avdeling Infrastruktur og veg skal sikre og utvikle gode og vekstkraftige lokalsamfunn, og sterke by- og senterområde. Avdelinga skal sikre ein framtidsretta infrastruktur, med mål om betra samband internt i regionen og gode kommunikasjonar mot resten av landet, og ut i Europa. Me skal bidra til å bygga ein sterk felles kultur og identitet i fylket, samtidig som innbyggarane si tilknyting til lokalsamfunna vert tatt vare på. Avdelinga jobbar for framkome og trafikktryggleik for alle trafikantar på våre fylkesvegar. 

Planlegging- og utbyggingsseksjonen (PU) har ansvar for planlegging og bygging av fylkesvegar, gang- og sykkelvegar, tunnelar og bruer. Seksjonen dekker alle fagområder knytt til dette arbeidet; planlegging, prosjektering, grunnerverv, landmåling, geologi, geoteknikk, vegteknologi og utbygging. 

Geo og skredeininga søker no etter dyktige geoteknikarar som vil vere med å realisere dei spennande samferdselsprosjekta me har i Vestland. Me har ledig inntil 2 faste stillingar og 1 vikariat på inntil 2 år med mogelegheit for forlenging og fast tilsetting.

Geo og skredeininga består av eit sterkt kompetansemiljø innan fagområda geoteknikk, ingeniørgeologi, vegteknologi og skred. Vi er i dag 5 geoteknikarar, 6 ingeniørgeologar, 2 vegteknologar og 1 dak-operatør som er fordelt på våre kontorstadar i Leikanger, Voss og Bergen.

For desse stillingane er det Bergen, Leikanger eller Voss som vil vere aktuelle som kontorstad.

Arbeidsoppgåver

Som geoteknikar på Geo og skredeininga vil du få mogelegheit til å ta del i utviklinga av framtidas infrastruktur i Vestland. Du vil bli ein del av eit stort og veletablert fagmiljø innan veg. Du vil jobbe med geoteknisk prosjektering i større tverrfaglege prosjekt, men samstundes jobbe sjølvstendig med mindre oppdrag. Du vil få stort ansvar med utfordrande og intersessante oppgåver innan fagområde, og du vil ha stor fleksibilitet i arbeidskvardagen, både på kontor og ute i felt. Noko reiseaktivitet må påreknast.

Typiske arbeidsoppgåver vil vere:

• Geotekniske oppgåver knytt til vegar, tunnelar, bruer, ferjekaier og rassikring.
  
• Geoteknisk prosjektering og rådgjeving i alle planfasar.
• Anleggsoppfølging av eige fagområde i utbyggingsprosjekt og ved drift- og vedlikeholdsoppdrag.
• Bestilling og oppfølging av grunn- og laboratorieundersøkingar.
  
• Vurdering av stabilitet og bereevne ved skråningar, utgravingar og fyllingar.
  
• Fagleg vurdering og bistand ved akutte skredhendingar.

Kvifor søke jobb hjå oss ?

Vi kan love deg varierte arbeidskvardagar der du får meiningsfulle og utfordrande arbeidsoppgåver med mykje ansvar. Arbeidsmiljøundersøkingar syner at vi har eit veldig godt arbeidsmiljø med engasjerte og kompetente medarbeidarar som trivst saman på jobb og utfordrar kvarandre fagleg. Me har eit sterkt fagmiljø som er gode på kunnskapsdeling og inkludering, og det er gode mogelegheiter for både fagleg og personleg utvikling.

Kvalifikasjonar

• Relevant høgare utdanning innan geoteknikk frå universitet eller høgskule.
• Utdanning på tilsvarande nivå innan hydrogeologi eller ingeniørgeologi vil og bli vurdert dersom ein har gjennomført tilleggsutdanning i geoteknikk.
• Relevant erfaring og gode resultat frå arbeidsområdet, og  det er ønskjeleg med minst 3 års erfaring frå geoteknisk arbeid men nyutdanna oppfordrast og til å søkje.
• God kjennskap til digitale verktøy.
• God norsk munnleg og skriftleg framstilling.
• Førarkort kl. B

Personlege eigenskapar

Som medarbeidar på Geo og skred-eininga forventar vi at du har gode samarbeidsevner og kan utføre dine arbeidsoppgåver på ein sjølvstendig og systematisk måte. Du har stå-på-vilje, god på å dele kunnskapar med dine kollegaer og har god skriftleg og munnleg kommunikasjonsevne. Vi ønskjer at du er initiativrik og modig, engasjert og resultatorientert, og vil bidra til eit godt arbeidsmiljø.

Vi tilbyr

• Ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
• God tilgang til faglege nettverk og fagleg utvikling - mogelegheit for vidareutdanning
• Varierte arbeidskvardagar og meiningsfulle arbeidsoppgåver.
• Tillitsbasert leiing kor du raskt vil få ansvar.
• Fleksibel arbeidstid med moglegheit for heimekontor for ein enklare kvardag.
  
• Attraktive pensjons- og forsikringsordningar.
• Løn etter avtale.
• Nye og moderne kontorfasilitetar på alle kontorstader.

Anna informasjon
Administrasjonsmålet i fylkeskommunen er nynorsk. Stillingstittel vil bli tilpassa kvalifikasjonane til dei som får tilbod om stilling.
Alle nytilsetjingar i fylkeskommunen blir gjort med ei prøvetid på 6 månader. Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.

Kontaktinformasjon

Arbeidsstad

Nøkkelinformasjon: