Hei, FRISØR – klar for ein grøn sommar i Hardanger?

Floke Ulvik søkjer sommarvikar i 2-3 månader (oppstart etter avtale)🌿

Vil du jobba i ein veletablert, grøn og fagleg sterk salong i sommar? Me leitar etter ein dyktig frisør som vil bli ein del av vårt nytenkande og framtidsretta konsept. Sjølv om dette i utgangspunktet er eit vikariat, er det gode moglegheiter for vidare samarbeid for den rette personen.

Kvifor velje Floke?

Floke er leiande på det grøne skiftet i Noreg. Med 7 avdelingar spreidd rundt i landet - frå hjartet av Oslo til vakre Ulvik - er me ein god gjeng med dyktige frisørar som er kreative og innovative. Me jobbar 100 % grønt og er sertifisert som Grøn Salong. Det betyr:

• Ingen allergiframkallande eller hormonforstyrrande stoff.

• Ei berekraftig og attraktiv frisørnæring.

• Betre helse for både deg som frisør og for kundane våre.

Din kvardag hos Floke Ulvik

Eg som driv salongen i Ulvik, Ina, har sjølv kjent på kroppen korleis tradisjonell kjemi påverkar helsa. I dag jobbar eg utan plagar og er stolt over å tilby ein trygg arbeidsplass midt i Hardanger sitt flottaste naturparadis. Her får du:

• Full opplæring i grøn frisørdrift og berekraft.

• Jobba med ekspertar: Bli ein del av eit fellesskap som har fostra nominasjonar til Årets Kolorist og Årets Brynsstylist.

• Gode vilkår: Konkurransedyktige betingelsar, kurs og fagleg påfyll.

• Verdier som betyr noko: Me styrer etter Mot, Omtanke og Respekt.

Kven er du?

Me ser etter deg som er lidenskapeleg oppteken av faget, miljøet og helsa di.

Me ønskjer at du:

• Har svennebrev som frisør.

• Er positiv, initiativrik og omgjengeleg.

• Jobbar sjølvstendig og er ein god bidragsytar til arbeidsmiljøet.

• Snakkar norsk (eller eit anna skandinavisk språk).

Hjå Floke rekk du ikkje å kjeda deg! Me tilbyr ein fantastisk arbeidsplass i ei verksemd i sterk vekst, der me heiar på kvarandre og byggjer gode team.

Praktisk informasjon

• Stilling: Vikariat (juni--august), stillingsprosent etter avtale.

• Oppstart: Etter avtale

• Arbeidsstad: Tyssevikvegen 28, 5730 Ulvik.

Høyres dette ut som noko for deg?

Då håpar me at du kontaktar oss for ein heilt uforpliktande prat. Send ein enkel søknad og CV til ina@floke.no.

Me gler oss til å høyra frå deg! 🌿

Praktisk informasjon

Stilling: Vikariat med mogleigheit for fast stilling
Oppstart: Etter avtale
Søknadsfrist: 1. juni 2026

Varme helsingar,
Ina -- Floke Ulvik 🌿