Avdelingsleiar

Om stillinga

Universitetet i Stavanger har ledig stilling som avdelingsleiar for Avdeling for konservering ved Arkeologisk museum. 

Museet er eitt av fem arkeologiske universitetsmuseum i Noreg. Det har om lag 85 tilsette fordelt på fire fagavdelingar, og er eit tverrfagleg museum som driver sikring, bevaring, forsking og formidling om forhistorisk tid og mellomalder i Rogaland. Forskinga har og nasjonal og internasjonal innretning og målsetjing. 

Avdelingsleiaren skal leie og utvikle avdelinga fagleg, økonomisk og administrativt, leggje til rette for godt samarbeid på tvers av avdelingane og utvikle forskinga i samarbeid med leiar for forsking og innovasjon ved museet. 

Avdelingsleiaren inngår i leiargruppa ved museet, og skal bidra til å utvikle og gjennomføre faglege og administrative strategiar ved museet og universitetet som heilhet. Som del av leiargruppa skal avdelingsleiaren og styrkje det tverrfaglege samarbeidet og forsterke museet si posisjon som eit leiande, nyskapande og attraktivt museum.

Avdelingsleiaren har fagleg og økonomisk-administrativt resultatansvar for avdelinga si totale verksemd, og tek del i det museumsfaglege arbeidet ved avdelinga. Den som vert tilsett kan bruke deler av tida til forskingsaktivitet etter avtale med museumsdirektør.

Les meir om museet og aktiviteten her på våre nettsider.

Om avdelinga

Den faglege verksemda ved Arkeologisk museum er organisert i fire fagavdelingar: Avdeling for fornminne, Avdeling for formidling, Avdeling for konservering og Avdeling for samlingar. Ved Avdeling for konservering er det omlag 20 tilsette. Avdelinga har tre fagområde, der eitt primært har lovpålagde oppgåver, og dei to andre er primært konkurranseutsette. 

Dei lovpålagde oppgåvene omfattar konservering av arkeologisk material frå forvaltingsutgravingar, rekonservering og preventive bevaringstiltak for museet sine samlingar både i magasin og utstilling. Frå 2024 er eitt nytt initiativ i gang i samarbeid med Avdeling for samlingar: Samlingsbevaring. Dette tverrgåande prosjektet skal betre utnyttinga av felles ressursar i bevarings­arbeidet. 

Konserveringsavdelinga har gjennom mange år utvikla ein omfattande, tverrfagleg og konkurranseutsett oppdragsverksemd innan fagområda «steinkonservering og bygningsrestaurering» og «malerikonservering og bygningsundersøkingar».

Hovudarbeidsoppgåver

• leie og utvikle avdelinga, og ha resultatansvar for avdelinga si totale verksemd
• sørgje for at ressursane i avdelinga vert brukte effektivt og formålstenleg
• følgje opp og legge til rette for utvikling av eksternt finansiert verksemd gjennom deltaking i anbodskonkurransar
• ha personalansvar for tilsette i avdelinga, irekna  HMS-ansvar, drift og vedlikehald av laboratorier og verkstader
• arbeide aktivt med arbeidsplanlegging, personalleiing og medarbeidarutvikling.
• utvikle eit godt fagleg og sosialt arbeidsmiljø, og leggje til rette for god forsking ved avdelinga
• sørgje for god kommunikasjon og informasjon internt og eksternt
• bidra til godt tverrfagleg samarbeid internt på museet
• realisere formidlingspotensialet i avdelinga 
• representere avdelinga eksternt, utvikle og leggje til rette for relevant nettverksbygging og samhandling (lokalt, nasjonalt og internasjonalt)

Kvalifikasjonar

Vi søkjer ein avdelingsleiar med:

• høg fagleg og vitskapleg kompetanse innan konserveringsfaget, fortrinnsvis med utdanning på doktorgradsnivå
• omfattande erfaring frå konserveringsfaget 
• relevant leiarerfaring, fortrinnsvis frå museum, universitet eller instituttsektoren
• god økonomiforståing, erfaring med prosjektleiing og anbodskonkurransar
• god munnleg og skriftleg framstillingsevne på norsk, eller anna skandinavisk språk, og engelsk

Det vil óg bli lagt vekt på: 

• ei motiverande, open og inkluderande leiarstil prega av integritet, samarbeid, medverknad og dialog
• evne til å legge til rette for eit godt arbeidsmiljø og vidareutvikla ein god organisasjonskultur
• prioriterings-, avgjerds- og gjennomføringsevne
• erfaring med tverrfagleg og vitskapleg samarbeid
• nettverks- og relasjonsbygging med evne til konstruktiv samhandling og kommunikasjon

Vi tilbyr

• interessante og utviklende leiaroppgåver i ein stor organisasjon med eit viktig samfunnsoppdrag
• eit ambisiøst arbeidsfelleskap og eit inkluderande arbeidsmiljø
• dyktige og engasjerte medarbeidarar i aktive fagmiljø
• ei god moglegheit til å vere med å forme framtida gjennom utvikling av forsking og formidling
• lønn etter Statens lønnsregulativ, l.pl. 17.500, kode 1475, kr 850.000 - 950.000 bto pr år. I særskilde tilfelle kan høgare lønnsutbetaling vurderast. Lovfesta pensjonsinnskot vert trekt frå.
• gode vilkår i Statens pensjonskasse
• meir om tilsettegode og fordelar på uis.no

Mangfald

UiS skal vere eit trygt arbeids- og læringsmiljø for alle, med nulltoleranse for diskriminering. Mangfald er ein ressurs i arbeids- og læringsmiljøet ved UiS. Når vi har ulike bakgrunnar og erfaring, kan vi sjå utfordringar frå fleire vinklar og finne betre løysingar.  

Vi er opptekne av å vise respekt for kvarandre med dei ulikskapane vi har, og vi legg til rette for tilsette med funksjonsnedsetjing. Vi tek omsyn til behova dine og situasjonen din i ulike livsfasar. 

Om du synest stillinga er interessant, oppmodar vi deg til å søkje, uavhengig av kjønn, funksjonsnedsetjing, kulturell bakgrunn eller om du har vore utanfor arbeidslivet ei tid.   

Er det kvalifiserte søkjarar med funksjonsnedsetjing, avbrot i CV-en eller innvandrarbakgrunn, kallar vi minst ein søkjar frå kvar av desse gruppene inn til intervju. Kjenne du deg igjen i ein av desse kategoriane, kan du kryssa av i jobbsøkjarportalen vår.

Les meir om krava for å bli vurdert som søkjar i desse gruppene her.

Søknaden

Søk stillinga elektronisk via "Søk stillinga" på denne sida. Her registrerer du minimum søknadsbrev, relevant utdanning, arbeidserfaring og språkferdigheiter. I søknadsbrevet må du få fram kompetansen din og motivasjon for stillinga.

Relevante vitnemål, attester og eventuell annan dokumentasjon som du ønskjer skal tas omsyn til, lastar du opp som vedlegg til søknaden. Dokumentasjonen må vere på eit skandinavisk språk eller engelsk. Dersom vedlegga til saman overskrid 100 MB må dei komprimerast før opplasting.

Søknaden vert vurdert ut frå informasjonen som ligg føre i Jobbnorge ved søknadsfristen. Sørg difor for at søknaden din tydeleg viser korleis ferdigheitene og erfaringane dine oppfyller kompetansekrava som er skildra ovanfor.

Vi gjer merksam på at opplysningar om søkjar kan bli offentleggjorde sjølv om søkjar har bede om ikkje å bli oppført på offentleg søkjarlista, jf. offentleglova § 25.

UiS vurderer berre søknader og vedlegg registrerte i Jobbnorge.