Lege i spesialisering i radiologi

Radiologisk avdeling ved sjukehusa Nordmøre og Romsdal (SNR) Hjelset og Kristiansund er sentrale i diagnostikk og oppfølging av pasientar, og samarbeider tett med kliniske avdelingar. Kvart år utfører vi om lag 100 000 undersøkingar innan alle modalitetar. Avdelinga har eit nært samarbeid med St. Olavs hospital om delar av spesialistutdanninga. Vi har nettopp flytta inn i det nye sjukehuset (SNR) med topp moderne utstyr og mellom anna fylkets første 3 Tesla MR.

Vi har no ledig 1-års vikariat som LIS i radiologi, med oppstart 01.09.2025 eller etter avtale.

Radiologisk avdeling ved Hjelset/Kristiansund er ein god stad for ferske LIS3. Vi har eit breitt spekter av undersøkingar, dedikerte overlegar og eit godt, inkluderande LIS-miljø.

Opplæring skjer hovudsakleg ved Hjelset, men vi legg til rette for deg som ønskjer å bu i Kristiansund.

Vi ber om at attestar og vitnemål vert lasta opp som vedlegg til søknaden din.

Arbeidsoppgåver

• Opplæring og arbeid med røntgen, CT og ultralyd
  
• Etter kvart delta i radiologiske intervensjonar og MR-opplæring
  
• Beskrive bilete og utføre ultralydundersøkingar
  
• Kommunisere med klinikarar om undersøkingar
  
• Presentere bilete for klinikarar
  
• Deltaking i vaktordning (for tida åttedelt), med tilstadevakt og overlege i bakvakt (delvis heimevakt)

Kvalifikasjonar

• Gyldig norsk autorisasjon som lege
• Norsk LIS1 eller fullført turnusteneste etter tidlegare ordning
  
• Meistre norsk, svensk eller dansk, med god munnleg og skriftleg framstillingsevne

Personlege eigenskapar

• God klinisk forståing
  
• Evne til å samarbeide tett med ulike faggrupper
  
• Interesse for fagleg utvikling og læring

Personleg egnaheit vil vektleggjast ved tilsetting. 

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Den fargerike opera- og klippfiskbyen Kristiansund er perla på Nordmøre. Her finn du eit rikt kulturtilbod med eige operahus som har fleire oppsetjingar og konsertarrangement kvart år. Like utafor byen kan du oppdage den spektakulære Atlanterhavsvegen og fleire sjarmerande fiskevær. Byen har eigen flyplass med fleire daglege avgangar til Oslo og Bergen. Les meir om Kristiansund og Nordmøre her.

Kontaktinformasjon

Arbeidsstad

Nøkkelinformasjon: