Bli med å utvikla framtidas eldreomsorg!

Me søker to engasjerte og utviklingsorienterte avdelingsleiarar, henholdsvis ein til somatisk langtid ved Ølen omsorgssenter og ein i Demensomsorga ved Vindafjordtunet.

Du vil få ei sentral rolle i å leie og vidareutvikle tenestene våre, bidra til eit trygt og godt bumiljø for bebuarane, samt skapa ein meiningsfull og utviklande arbeidskvardag for dei tilsette.

Er du klar for å vere med på eit innovativt og framtidsretta arbeid innan eldreomsorga? Då vil me gjerne høyre frå deg!

• Leiaransvar for fag, kvalitet og personal  (i samarbeid med einingsleiar)
• Sikre drift og kvalitet i tråd med lovverk og kommunale mål
• Bygge og utvikle eit godt arbeidsmiljø
• Sikre pasientsikkerheit og trivsel for bebuarane
• Etablere gode samhandlingsrutinar internt og eksternt
• Bidra aktivt i utviklings- og omstillingsarbeid
• Legge til rette for læring og rettleiing for tilsette, studentar og lærlingar
• Internkontroll og kontinuerleg forbetringsarbeid

Hos oss blir du ein del av eit inkluderande og støttande arbeidsmiljø der me:

• Verdset samarbeid og open dialog – me spelar kvarandre gode og deler kunnskap på tvers av fag og avdelingar.
• Har høg trivsel og låg terskel for å spørje om hjelp – her er det rom for både fagleg utvikling og ein god latter i kvardagen.
• Jobbar målretta med kompetanseheving – me legg til rette for kurs, rettleiing og fagleg påfyll.
• Har fokus på arbeidsmiljø og medarbeidarskap – me ønskjer at du skal trivast, utvikla deg og kjenne eigarskap til jobben din.
• Feirar små og store milepælar – me ser verdien av å anerkjenne innsats og skape gode opplevingar saman

• Ein jobb med meining og faglege utfordringar som vil gi deg meistring.
• Arbeid med engasjerte kollegaer som ønsker at du skal trivast og lykkast.
• Moglegheiter for etter- og vidareutdanning i samsvar med vår kompetanseplan.
• Moglegheiter for å søka om stipend for relevant kompetanseutvikling.
• Støtte og opplæring for å hjelpa deg å komma godt i gong i den nye rolla di.
• Kjekke tilsettgoder som blant anna gratis parkering, rabatt på treningssenter og tilbod om gunstig mobilabonnement.
• Moglegheit for å bli med i bedriftskunstlaget og kommunalt kor (KORe’ Vindafjord)
• Ein av Norges sikraste pensjonsordningar: offentleg tenestepensjon. 
• Forsikringsordningar som gruppelivsforsikring, yrkesskadeforsikring og tenestereiseforsikring.
• Lønn etter gjeldande tariff og avtaleverk
  

• Norsk autorisasjon som sjukepleiar eller vernepleiar
• Leiarutdanning og/eller erfaring ønskes
• Ønskeleg med erfaring frå sjukeheim og demensomsorg om du søker deg der
• God digital kompetanse
• Du må beherska godt norsk, skrifteleg og munnleg. Kommunen nyttar nynorsk som skriftspråk.  

•  Du brenn for eldreomsorga
•  Har interesse for faget og held deg oppdatert
•  Bidrar til godt arbeidsmiljø gjennom din kjennskap til tilsette og tenestebehov
•  Du søker etter forbetringar for både bebuarar og tilsette
•  Evne til å arbeide sjølvstendig, systematisk og målretta
•  Du arbeidar godt i team og er ein som er med på å spela teamet og avdelinga god
•  Du trives med  hektiske arbeidsdagar og er fleksibel i arbeidsoppgåvene
•  Du innvolverar, delegerar, engasjerar og deler kunnskap gjennom di leiing
•  Du er løysingsorientert
•  Du ønsker å utvikle deg sjølv og din avdeling, relarert til fag og arbeidsmiljø
•  Du leiar prosessar i din avdeling, i tillegg til å vera med i prosessar på tvers av avdelingane

Personlege eigenskapar vil bli vektlagt.

• Det er eit krav om godkjent politiattest for den som tilsettes i stillinga.
• Det er eit krav om at ein fyller ut egenerklæringsskjema for MRSA og tuberkulinstatus, før tiltredelse. 

Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.