Klinisk ernæringsfysiolog

Vikariat som klinisk ernæringsfysiolog – bli ein del av eit leiande fagmiljø innan ernæring.

Seksjon for klinisk ernæring (SKE) ved Haukeland universitetssjukehus søker tre engasjerte og fagleg sterke kliniske ernæringsfysiologar til ledige vikariat. Dette er ei unik moglegheit til å bli del av eit av landets største ernæringsmiljø i stadig utvikling, med varierte arbeidsoppgåver og høg fagleg kvalitet.

SKE er ei eining i Medisinsk klinikk og har 17 stillingsheimlar for kliniske ernæringsfysiologar. Seksjonen er ei intern teneste som mottek tilvisingar frå heile sjukehuset, og tilbyr både inneliggande og poliklinisk ernæringsbehandling av vaksne og barn. Vårt samfunnsoppdrag er å vareta behandling, opplæring og utdanning, samt forsking og utvikling innan ernæring. SKE har også ansvar for Mage-tarmskulen, eit nasjonalt digitalt behandlingstilbod for pasientar med irritabel tarmsyndrom.

Vikariata er stillingar i 100% av ulik varigheit (6, 10 og 12 mnd), med oppstart frå august/september 2025. 

Arbeidsoppgåver

Arbeidsoppgåvene vil fordelast etter kompetanse og behov, og kan inkludere:

• Ernæringsutgreiing og -behandling av tilviste pasientar
• Undervisning og rettleiing av pasientar og pårørande
• Utdanning av studentar og anna helsepersonell
• Rettleiing og behandling av pasientar i Mage-tarmskulen
• Tverrfagleg samarbeid med andre yrkesgrupper
• Bidrag til utvikling og kontinuerleg forbetring av ernæringsarbeidet

Kvalifikasjonar

• Autorisasjon som klinisk ernæringsfysiolog, HPR-nummer må leggast ved søknaden
• Erfaring frå sjukehus eller spesialisthelsetenesta er ein fordel
• Gode norskkunnskapar, både munnleg og skriftleg er ein føresetnad
• Kjennskap til DIPS og MEONA er ein fordel

Personlege eigenskapar

Vi ser etter deg som

• Er sjølvstendig, strukturert og fagleg engasjert
• Har god forståing for prioritering og tidsbruk, og evnar å fordele innsatsen slik at ulike arbeidsoppgåver blir løyst innanfor rimelege tidsrammer
• Har gode samarbeidsevner og trivst i pasientkontakt
• Er løysingsorientert og utviklingsvillig
• Ønskjer å bidra til utvikling av ernæringstenester i spesialisthelsetenesta
• Ønskjer å bidra til eit godt arbeidsmiljø

Vi tilbyr

• Eit sterkt og inkluderande fag- og arbeidsmiljø
• Varierte og utviklande arbeidsoppgåver
• Løn etter gjeldande overeinskomst
• Gode pensjons- og forsikringsordningar
• Aktivt bedriftsidrettslag og godt sosialt miljø

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Linn Anja Slåke Vikøren, Seksjonsleiar, 98298303

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4992061570
Stillingsprosent: 100%
Vikariat
Startdato: 01.09.2025
Sluttdato: 31.08.2026
Søknadsfrist: 01.08.2025