Piano- og songpedagog  

Er du vår nye piano- og songpedagog?

Me søkjer etter lærar som kan undervisa elevar i piano og song på ulike nivå. Stillingsstorleik i 40 %.                                                                                                                                   

Kvam kulturskule har om lag 400 elevar og 27 lærarar og underviser i alle skulekrinsane i heradet. Kvam kulturskule ynskjer å vera eit kulturelt kraftsenter med eleven i sentrum. Me tek utgangspunkt i det som bur i kvar enkelt elev og skapar trygge rammer. Me ynskjer å driva vidare kulturarven og handverket, samt vera opne og nyskapande. Me ynskjer at elevane våre skal få læra, oppleva, skapa og formidla kunst og kultur gjennom eigen aktivitet og i fellesskap med andre. 

Kulturskulen har også ansvaret for DKS (Den kulturelle skulesekken) og  UKM.  Sjå her for meir informasjon om oss: https://www.kvam.no/tenester/kultur-idrett-og-fritid/kvam-kulturskule/

Arbeidsoppgåver

Undervisa i piano og song for barn og ungdom
Kan vera aktuelt med arbeid med elevgrupper
Kan vera ein fordel å kunna traktera fleire instrument
Som del av kollegiet deltek du også i ulike samarbeidsprosjekt

Kvalifikasjonar

• Kunstfagleg utdanning på høgskule-/universitetsnivå innan aktuelt fag
  
• Søkjarar som ikkje tilfredstiller desse krava, kan tilsetjast dersom tilsvarande realkompetanse  eller relevant utdanning kan dokumenterast 
  
• Erfaring frå undervisning / pedagogisk arbeid 
• Gode utøvande ferdigheiter innan aktuell disiplin
• Grunnleggjande IT-kunnskapar, og evne og interesse for å tileigna seg kunnskap innan ny teknologi
• Me legg vekt på personlege eigenskapar

Personlege eigenskapar

• Du er ein trygg lærar som gjev opplæring av høg fagleg og pedagogisk kvalitet
• Du er serviceinnstilt og engasjert, fleksibel, raus og inkluderande
• Du er venleg og har respekt for andre, viser kjærleik til kunsten og faget, og utforskar gjerne i lag med elevane våre
  

Me tilbyr

• Gode kollegaer i eit godt arbeidsmiljø og varierte arbeidsoppgåver
• Løn etter gjeldande tariffavtale og lokalt lønssystem
• Gode pensjons-/og forsikringsordningar

Generell informasjon:
Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.

Kontaktinformasjon

Anne Cathrine Eiken, Kulturskulerektor, +47 975 16 771

Arbeidsstad

Grovagjelet
5600 Norheimsund

Nøkkelinformasjon:

Arbeidsgivar: Kvam herad

Referansenr.: 4941613572
Stillingsprosent: 40%
Fast
Startdato: 01.08.2025
Søknadsfrist: 21.05.2025