Jobbspesialist

Blir du motivert av å jobbe med menneske? Har du tru på at alle kan få ordinært arbeid og ønsker du å bidra slik at fleire kan lukkast med arbeid eller utdanning? Nav Stord har ledig eit vikariat for eit år som jobbspesialist i tiltaket Arbeid med støtte i region Sunnhordland.
Vi ser etter deg med talent for å bygge og vedlikehalde relasjonar og som blir motivert av å skape moglegheiter i arbeidsmarknaden. Som jobbspesialist arbeider du etter Supported Employment (SE), ei metodisk tilnærming tilpassa personar med omfattande og samansette støttebehov, der målet er å hjelpe deltakarane i tiltaket med å få- og behalde arbeid i ei ordinær verksemd.
Å vere jobbspesialist betyr at du gir tett og individuelt tilpassa oppfølging av arbeidssøkarar, saman med arbeidsgivarar, utdanningsinstitusjonar og andre samarbeidspartar. Du vil ha arbeidsoppgåver for heile regionen som omfattar kommunane; Stord, Bømlo, Fitjar, Tysnes, Kvinnherad og Sveio. Stillinga er ledig frå 01.02.2026 og arbeidstaden er Nav Stord.
I søknadsteksten ber vi deg seie noko om kva som motiverer deg til å søke på stillinga.

Arbeidsoppgåver

• Individuelt tilpassa oppfølging av arbeidssøkarar med mål om ordinært arbeid eller utdanning
• Identifisere arbeidssøkar sine  interesser, sterke sider og ferdigheiter, og korleis desse kan koplast til aktuelle jobbar
• Saman med arbeidssøkar legge ein plan for jobb eller studiar etter deltakar sine mål og ønsker
• Oppsøke bedrifter, skape dialog med arbeidsgjevarar og bygge nettverk i regionalt og lokalt næringsliv
• Engasjere og motivere både jobbsøkarar og arbeidsgivarar
• Dokumentere arbeidet i Nav sine fagsystem

Kvalifikasjonar

Du må  ha:

• Høgare utdanning på minimum bachelornivå. Relevant erfaring og/eller utdanning kan kompensere for kravet til utdanning.
• God munnleg og skriftleg framstillingsevne
• God digital kompetanse
• Erfaring med relasjonsarbeid og/eller rettleiing
• Førarkort klasse B

 

Det er ein fordel om du har:

• God kunnskap om arbeidsmarknaden i Sunnhordland
• Erfaring frå oppsøkande kundekontakt og nettverksbygging

Personlege eigenskapar

• Du bygger nettverk, er initiativrik og fleksibel
• Du skapar tillit og gode relasjonar med dei du møter
• Du er sjølvstendig, kan prioritere og er strukturert
• Du er motivert og har god gjennomføringsevne
• Du er ein lagspelar som deler erfaringar og kompetanse med kollegaer

Vi tilbyr

• Ein spennande jobb i eit godt arbeidsmiljø, prega av høg kompetanse og engasjerte medarbeidarar
• Store moglegheiter for fagleg- og personleg utvikling
• Opplæring i mellom anna Supported Employment og prinsippa for inkluderingskompetanse
• Statleg tilsetting i stillingskode 1434 rådgivar med lønsspenn frå kr. 570.000 til kr. 635.000 pr. år. For særleg kvalifiserte søkarar kan noko høgare løn vurderast.
• Velferdsgode som fleksibel arbeidstid, og moglegheit for trening i arbeidstida
• God pensjonsordning, låneordning og forsikringar gjennom Statens pensjonskasse

Les meir om Nav som arbeidsgjevar

Kontaktinformasjon

Kenneth Magnussen, Metoderettleiar, 975 11 362, Kenneth.Olav.Magnussen@nav.no
Helga Strømme, Avdelingsleiar, 40207709, helga.valvatne.stromme@nav.no

Arbeidssted

Bandadalsplassen 5
5417 Stord

Nøkkelinformasjon:

Arbeidsgiver: NAV

Referansenr.: 5031751533
Stillingsprosent: 100%
Vikar
Startdato: 01.02.2026
Sluttdato: 31.01.2027
Søknadsfrist: 10.11.2025