Frivilligkoordinator - 100 % fast stilling

Om stillinga

Vi søker frivilligkoordinator i 100% fast stilling for å etablere, utforme og drifte Modalen frivilligsentral. Frivilligsentralen er kommunalt eigd og frivilligkoordinator vil såleis vere ansatt i Modalen kommune sin sentraladministrasjon. Sidan Modalen ikkje har ein frivilligsentral frå før, vil frivilligkoordinatoren få vere med å utforme innhald og drift frå start. Sentralen skal stimulere til frivillig innsats og bidra til å vidareutvikle eit levande lokalmiljø der folk kan møtast. Vi ser etter ein frivilligkoordinator som kan vere ein pådrivar i dette arbeidet.

Arbeidsoppgåver og ansvar

• Ansvarleg for drifta av Frivilligsentralen.
• Kartlegge og ha oversikt over kva innbyggjarane i Modalen treng av tilbod og ordningar som kan organiserast av frivillig innsats.
• Rekruttering, opplæring, koordinering og rettleiing av frivillige.
• Vere ein ressurs for dei som treng hjelp til å søkje tilskot frå offentlege eller private aktørar. 
• Leggje til rette for og bidra til aktivitetar, møteplassar og tilbod i samhandling med frivillige og relevante tenester i kommunen.
• Organisere drifta av BUA Modalen.
• Få ut informasjon til innbyggjarane om tilbod via kanalar som treff dei ulike målgruppene. 
• Rapportering for frivilligsentralen. 
• Andre arbeidsoppgåver kan kome til.

Ein må rekne med arbeid på kveld/helg. 

Kvalifikasjonskrav

• Bachelor eller tilsvarande utdanning. Lang relevant erfaring kan kompensere for manglande utdanning.
• Kunne arbeide sjølvstendig og ta ansvar for drifta av frivilligsentralen. 
• Gode norskkunnskapar, både munnleg- og skriftleg. 
• Beherske bruk av IKT og digitale løysingar. 
• Førarkort klasse B. 

Våre ynskje om deg

• Du må vere oppteken av frivillig arbeid og sjå verdien dette har i lokalsamfunnet. 
• Du må vere serviceinnstilt, engasjert og initiativrik. 
• Vere interessert i og flink med ulike type menneske. 
• Du må like å jobbe sjølvstendig, men også kunne samarbeide med andre.
• Personleg eignaheit vil verte vurdert spesielt og vil utgjere ein viktig faktor ved tilsetjing. 

Me tilbyr

• Ei sentral rolle i kommunen som organisasjon, med spanande, varierte og utfordrande arbeidsoppgåver i ein kommune med engasjerte tilsette og innbyggjarar. 
• Løn etter tariff.
• Gode pensjons- og forsikringsordningar. 
• Høve til fagleg og personleg utvikling. 

Anna

• Tilsetjing vert gjort etter gjeldande lover, føresegner og avtalar.
• Det vert stilt krav om politiattest.
• Tenestespråket i Modalen kommune er nynorsk.
• Arbeidsstad: kontorplass på Mo, aktivitetar vert gjennomført i tilgjengelege lokale ulike stadar i kommunen.