Har du lyst på ein spennande jobb innan HR?

Me søkjer HR-koordinator

Eide er eit familieeigd selskap og ein av pionerane i havbruksnæringa. Me har ein visjon om å setje standarden for framtidas havbruk -- ikkje berre som produsent, men som førebilete for heile næringa. Me viser kvar dag at det er mogleg å produsera mat i sjøen på ein berekraftig måte, med respekt for fisken, naturen og menneska bak.

No søkjer me ein strukturert og engasjert HR-koordinator som vil vere med på denne reisa.

Om stillinga

Som HR-koordinator vil du spela ei viktig rolle i å støtta både tilsette og leiarar i verksemda. Du vil få ei unik moglegheit til å jobba med spanande og varierte HR-oppgåver på tvers av konsernet.

Eksempel på arbeidsoppgåver:

• Koordinera og gjennomføra onboarding- og offboarding-prosessar
• Utarbeida og oppdatera arbeidskontraktar, stillingsomtalar og personaldokument
• Administrera personalregister
• Bistå i rekrutteringsprosessar, inkludert planlegging og gjennomføring av intervju
• Organisera og følgja opp kurs, kompetanseutvikling og e-læringsløysingar
• Sikra at malverk og rutinar er oppdaterte og i tråd med gjeldande regelverk
• Planleggja og støtta opp om medarbeidarsamtalar og utviklingstiltak
• Gi praktisk og administrativ støtte til HR-leiar og leiarar i organisasjonen
• Bistå i oppfølging av sjukefråvær, dialogmøte og kontakt med NAV ved behov
• Utarbeida HR-statistikk og rapportar til internt bruk og offentlege etatar

Kven er du?

Du deler våre verdiar og som ønskjer å gjera ein forskjell. For å lykkast i rolla er det viktig at du er sjølvstendig, nøyaktig, strukturert og har gode samarbeidsevner.

Me ser etter deg som har:

• Høgskule- eller universitetsgrad som er relevant, gjerne med spesialisering innan HR. Relevant erfaring kan kompensera for utdanning
• Minimum 3 års erfaring innan HR eller andre relevante område er ønskjeleg
• Kjennskap til relevant lovverk
• Erfaring frå personaladministrasjon og saksbehandling er ein fordel
• Gode kommunikasjonsevner på norsk og engelsk, både munnleg og skriftleg

Kva kan Eide tilby?

I Eide tør me å satse -- på visjonar og på folk. Me bryr oss om kvarandre, fisken vår, og miljøet me lever og verkar i. Som HR-koordinator vil du vere ein viktig lagspelar og del av eit godt arbeidsmiljø. Du får høve til både fagleg og personleg utvikling i eit trygt og inkluderande miljø, der arbeidsglede står sentralt.

• Jobb i ei framtidsnæring, i eit selskap som tør å satse
• Varierte og interessante arbeidsoppgåver
• Eit arbeidsmiljø der både tryggleik og arbeidsglede er viktig
• Konkurransedyktige vilkår
• Arbeidsstad på Vestlandet

Søknadsinformasjon

Me ønsker deg velkommen til å sende inn søknad, cv, og relevante dokument innan søknadsfristen. Om du har spørsmål knytt til stillinga, ta gjerne kontakt med HR-leiar Mari Lundal / mari.lundal@efb.no / +47 40 62 87 43. For meir informasjon om selskapet, sjå våre nettsider og sosiale medium www.efb.no.